نايف وحامد وعافت.....................جديد

هذه قصيده جديده لها مناسبه خاصه اتمنى انها تعجبكم وهي قصير
على غير العاده وهي شبه هجائيه ان لم تكن هجائيه مره
اترككم معها



ياالي تجر الصوت محد(ن) بصفك
........................الشعر ملك والعرب منك عافت
عنيت نفسك واقرب الناس صفك
...................واصبحت ضحكه بين كاشف ولافت
دايم غرابيل الليالي تحفك
........................والناس من واقعك قامت تلافت
ناس(ن) تمنى قلعتك مع مهفك
..................وناس(ن) على مستقبل الشعر خافت
تطمح ولاحققت فالوقت شفك
.......................غير التعب والهم والنور خافت
ماشال شعرك غير صدرك ورفك
.........................وأفكارك اليا قلتها العام طافت
مابه جديد ولاوطاء العز خفك
...........................واكثر بيوتك للموازين نافت
قريحتك ماجابت اللي يدفك
..........................وقرايح العالم بالافكار صافت
غثيتنا ياجعل بقعاء تهفك
..........................واشغلتنا والناس للغث شافت
لكن روح لاتقرب ملفك
...........................ترى علومك للهزيلات ضافت
الشعر لأهله وانت مديت كفك
...........................لكن في دربه ترى منت كافت
خله وروح قبل همك يلفك
..........................هذي نصيحه والظماير تصافت
دور على درب(ن) تجيه ويضفك
........................مالك ومال هموم وقت(ن) تهافت
حتى لو أنك مالي اليوم رفك
...........................منته مثل نايف وحامد وعافت

شعر،،ابراهيم الزراقي

ماشال شعرك غير صدرك ورفك
.........................وأفكارك اليا قلتها العام طافت
مابه جديد ولاوطاء العز خفك
...........................واكثر بيوتك للموازين نافت


بصرآحه كلام غير

صح لسانك يامبدع دوما وابداا

ودام ابداعك يالغالي

ننتظر جديدك

محبك
.,

صح الساااااااانك يابراهيم



بارك الله فيك




تقبل مروري



اخوك



شامان الاسعدي

صح لسانك

أبدعت


ماقصرت

أقبل تحياتي

الله يعطيكم العافيه على المرور المميز