سلام الله علاكم وابا العب واتسلى

سلام الله علاكم وابا العب واتسلى
ومن له نفس فاللعب يدخل لايروحي

انا ضايق و زعلان من طيرن تعلا
جناحينه حديده ومنقاره سموحي

هلا يامرحبا عندقوم أهلا وسهلا=وانا للعب والملعبه هاضت قروحي
هذاك الطير لنكان تنشد عنه ولا=وبعد كسرت جناحيه وقع فالسطوحي

قمرنا في سمانا يالو نوره تجلى
تر سود السحايب تغطي كل ضوحي
انا حالف ومقسم ما اخون ولا اتخلى
و لو زادت جروحي مابين لك جروحي

قمركم ماش له نور حتى لو أطلا=لكن اسرو على ضوح براقن يلوحي
عيون الخرج فاضت وحاجرها تملا=يغذيها أزرق الدمع يوم انه يفوحي

عليكم بالسلام ورحمة الله وبركاته


وعلى القوة انت وزميلك

بندر شكرا لتواجدك لاهنت

قنيب الذيب نوحيه باطراف المفلّى
وطبل السامري مشغلك ماعاد توحي
انا ادوّج ببغداد واطراف المكلا ّ
وا بو جبّه يحسبن سواليفي مزوحي

ادور حلها واثر هاذي ماتحلا=بعدطاروق عيا بسره لايبوحي
أنا ماارضالك ادوج حتىلو مجلا=تقد بسلم مزحم وبرقا والطلوحي

ابا البّسك لبس الفخر وتقول كلاّ = تبا قرب المره والغبوق مع الصبوحي
لوان السيف يجرد من الغمد ويسلّا = تبا تنسى العبية وتعذر بالمسوحي

التحية والتقدير لك يالاعرابي وشكرن كثيرن على السماح لي بمجاراتك وثانكيو

مشكور ولو اني اعتب عليك بهذا الختام الغريب
مسموح ولك فائق احترامي

العتب مقبوول وعلى الراس والعين ولك الحق يالغالي