عيني كذا ما تنظر الا على فوق

مع تحياتي وخالص ودادي=يامنتهى الروعة وياقمة الذوق

شكرا على استقبالك الغير عادي=شكرا على ترحيبك الغير مسبوق

دوبي دريت اني برغم اجتهادي=العب بكرت من اول الليل محروق

عندك شعرت بغربتي في بلادي=كأن من شخصيتي شي مسروق

ماجيت اقدم لك خطاب اعتمادي=سفير جمهورية الغش والبوق

ولا ني اسير ابغاك تطلق قيادي=ولانيب عبد(ن) مشتريني من السوق

ادري لو ان الشمس تقدح زنادي=وتنسج تحت جلدي شرايين وعروق

اظل في وجه نظرك الاحادي=رجعي ومتخلف وكادح ومسحوق

لكن تدري عقب هذا التمادي=خبرك عتيق الناس شبوا عن الطوق

من حقي آمارس هواية عنادي=واغترّ وآرجع لك الطاق مطبوق

بأسم الشموخ العفوي اللاإرادي=عيني كذا ما تنظر الا على فوق

مثل السراب آهيم في كل وادي=وآموت ما وطّيت رأسي لمخلوق

عبدالواحد بن سعود=

ماجيت اقدم لـك خطـاب اعتمـادي***سفير جمهوريـة الغـش والبـوق
ولا ني اسير ابغاك تطلـق قيـادي***ولانيب عبد(ن) مشتريني من السوق


ياسلاااااام ...

صح لسان الشاعر/عبدالواحد...

والله يعطيك العافيه ..يافهد...على النقل الطيب...

..............

الله الله

صح لسانك يالزهراني .. رائعه وملامسة للشعور ..

استمتعت بقرائتها ..

تحيتي
...

تسلمون يامشرفينا الكرام

شاكر حضوركم الذي اضافه للموضوع الكثير

ممنون لكم...,,,,,,,,,,,,,

كلمات منقاة بعناية .

شاعر متمكن .

صح لسان الشاعر عبد الواحد.