بعد جيت يا ربعي وطرقي بدا بدا = وعلم الرجال الي تورد بدا بدا

حيا الله اي شاعر والي يبا يصمل يواجهني وانا حطيت الشيله بيت واحد وبكيف الشاعر الي يواجهني ان كانه يبا بيتين حنا جاهزين بس يقولي ويبشر



بعد جيت يا ربعي وطرقي بدا بدا = وعلم الرجال الي تورد بدا بدا
ودق البيد وجهز الي بدا بدا = يقولون ما للعله الا مداويها



عتيبه ياعتيبه ياهل الفزعات والمضمون = وانا ماقول غير ارهو شبوب النار ناتيها

صح لسانك يا ابن سجدي


في انتظااار قبيلك


متااابع

صح لساااااانك يابن سجدي ..

اشوفك متهيض مع ذالموال ههههههههههه ..

تقبل مروري ..

صح بدنك يالشهراني

وجودك شرف لنا والازمو الصفوف لين يجي القبيل

صح بدنك انا اشهد يالمري معجبني الموال هذا بس وين الي يمسك الخط معي انت عينته
ههههههههههههههههههههههههههههههههههه

ونتشرف بوجودك

الرياجيل وين روحو ما فيه واحد يرد علي معقوله ما فيهم احد يلعب الشقر على العمو م انا في انتظار يمكن احد يهديه الله ويجي

صح لسانك .. يابن سجدي ..




وننتـظر من يجيد الشقر كما تجيده :)






متآبـــــــــــع!

صح بدنك وانا اخوك

وشهاده اعتز ابها وتاج على راسي

ووجودك اكبر شرف لنا

بعد جيت خلك فالمواقف حزم حزم = مدام ان شفّك فوق راس الحزم حزم

هذا الليل فاز النصر ضد الحزم حزم = يقولون ماللعله الا مداويها




عتيبه ياعتيبه امسكو شاعركم المجنون = قبل مايصير ضحكه بين كاتبها وقاريها

ابن سجدي
صح لسانك بدعه كايف

والصف صفك

ولا يهون عقاب وصح لسانه

تقديري

ترى يا صحيبي في علومك عما عما = لكن الرجال تشوف والي عما عما

لكن اجتنبني ياعساك العما عما = يقولون ماللعله الا مداويها




نشوفك يالعنيزي ترتع وتاتي بدون اقرون = لكن ابشر تولم والحقيقه لا تخفيها

لا جاني العنزي قبله ولا ادري وين روووح بس يالعنزي ترى بيتي هذا

لكن اجتنبني ياعسـاك العمـا عمـا
يقولـون ماللعـلـه الا مداويـهـا

نذر انه من لساني ماهوب من قلبي وانا اخوك وانت الي بديت المهاجمه وتحمل هههههههههههههههههه

ابن سجدي
صح لسانك بدعه كايف

والصف صفك

ولا يهون عقاب وصح لسانه

تقديري

اقوووول وجهك ابيض يا سهم الليل وهذا من ذوقك الرفيع يابن العم وروحو بالصفوف ووجودك شرف لنا

لاوالله حسبت انك تعرف الشقر شقر = واثر ماتميز بين سود وشقر شقر

تبا ان العصا تجبر وجاها شقر شقر = يقولون مال العله الا مداويها




ليا منّا هرجنا مانعديها على القانون = وابن سجدي على قول الجماعه رايح ٍ فيها

ههههههههههههههههههههههههههههههههههه يا زقنك زقناه اشهد انك وليده انته الي هاجمتني من البدايه انا جاي بطيب مار استلم الرد

تشوف الرفيق الي بساسه جنا جنا = لكن العنيزي في عمره جنا جنا


وتبعد جناها لا يجيك الجنا جنا = يقولون ماللعله الا مداويها




ليا منا هرجنا يا صحيبي نهرج الموزون = ومهما تنطق الي صار اكيد انك تواليها

ابد خذ راحتك والدعوه لعب وسعة صدر

ابد خذ راحتك والدعوه لعب وسعة صدر



اقول والله انك وافي هي مغير لعب وضحك ووناسه وانت خابر بس لا تضيق والله كل الي اقوله مثل ما قلت لك من لساني مار الي ضيقني بيوتك الي قبل شوي كنك ضايق علي يوم اقراها بس وانا اخوك تراها لعب وسعة صدر

صح لسانك ولاهنت يابن سجدي

صح لسانك ولاهنت يابن سجدي


صح بدنك يالرفيق ما يحتاج شهادتي فيك مجروحه واعذرنى على القصور واستر على ما وجهت وانا اخوك ترى كلها مغير مزوح الله يستر عليك