ياسلام الله سلام ٍ يوم يبدى ويتجلا*** مثل نور الصبح والاّ نور براق ٍ تلالا.

محاورة من برنامج حياة البادية بين العملاقين

مطلق الثبيتي وصياف الحربي رحمهما الله



مطلق الثبيتي=


ياسلام الله سلام ٍ يوم يبدى ويتجلا = مثل نور الصبح والاّ نور براق ٍ تلالا.
لوالد العين في صياف عن داره تجلا. =والمصايب كلها قامت على راسه توالا.







صياف الحربي=

مرحبا ياضيف عند معزب رحب وهلا= مارصبرك لين ادن النجر واجيب الدلالا.
لوتلد العين حول دمعها وانت تحلا = وانعمت ماعاد تنظر لايمين ولا شمالا.





مطلق الثبيتي=


الليالي مقبله تضحك منه والشر ولا= مافرح الا يوم اشوف اركابها تمشي عجالا.
اصبروا ياحرب لين الدلو فالبير ايتدلا= يشرب الضامي من الجمه ويلدن الحبالا..








صياف الحربي=

احمد الله ياثبيتي واشرب الشاى محلا =وان هداك الله على درب الهدى روح وتعالا.
لاتخلينا على شأنك نتل الحبل تلا= وان جهلت اعرف ترا فالناس عقال وجهالا..






مطلق الثبيتي=


الخبول العبها واضحك عليها واتسلا = من رقد منهم رقد واللي صحى منهم كسالا.
الثبيتي ينطح الواجب وفالعلّيا تعلا = وانت ياصياف تبنيها على جرف ٍ هيالا..








صياف الحربي=


مالعبت ولاضحكت الا على عمك معلا = وانتظرنا يمكم رحتوا من النظره خجالا.
يوم صورنا وجيه القوم في راس المفلا= مابلشنا غير في اوصاف الوجيه اللي تحالا..

الله يرحمهم ويسكنهم الجنة

مشكور يابو طايل على الاهتمام بالشعر الاصيل ..

اما كذا والا بلاش رحمة الله عليهم

هذي المحاوره الي عليها الكلام


الله يرحمهم ويسكنهم فسيح جناته

الله يرحمهم
والله المحاوره الي تفتح النفس
يعطيك العافيه
بنتظار المزيد

..



لا هنت يابو طااايل على الطاروق المميز...

الله واكبر
شي غبر عن اي شي
عملاقين وهامتين وقامتان شعريتان ومحاروه مميزه
اشكرك

الله يرحمهم
اشكرك ع النقل