مرزوق العتيبى مطلوب للمحاوره........

سلام ياشيخ الرجال المناعير=اعداد شعب الصين واكثر شويه
فيه العسل ولا حليب المغاتير=فى حق منهو يستحق التحيه

...


يامرحبابك عد ماغرد الطير = واعداد نبت ٍ بالفياض العذيه
ياحبني لهل الوجيه المسافير = اهل الكرم والدلّه الشاذليه

خل المجامل جيت اجر الطوابير=سرية ن نلحق وراها سريه
لكن تحرص للسيوف الشواطير=وقدمك جيوشن ماتهاب المنيه

قدمك جيوشن ما تهاب المنيه

لله درك يا يووسف


مرزووووق

الرجال يهدد :)

ارفقوا في بعض يا عيال العم هههههههه

وحنا متابعين

حييت يا ذيبان والله لا يهينك على المرور

ياسلالالام عليك يا يوسف..

مانيب قايل غير يالله مساء خير = وان جت خطيه ماقبلت الخطيّه
الهرج واجد بس مابه مخاسير = والواقع الملموس مافيه زيّه

...

هههههههه ذيبان
كلامك في محله ويالله انك تخارجنا ..
اي والله يوووسف معلنها حرب ضروس لكن يجعل الخساائر اقل من اللي نتوقع :)
انت بس وش لونك ؟ وارحب

خل المجامل جيت اجر الطوابير=سرية ن نلحق وراها سريه
لكن تحرص للسيوف الشواطير=وقدمك جيوشن ماتهاب المنيه




ياسلالالام عليك يا يوسف..

مانيب قايل غير يالله مساء خير = وان جت خطيه ماقبلت الخطيّه
الهرج واجد بس مابه مخاسير = والواقع الملموس مافيه زيّه



الله الله

روعة المحاورة


واصلوا الله لا يهينكم

الشك زايل فى الرخا والمعاسير= يامكرمين الضيف دون الرعيه
لكن انا لامن نويت المشاوير= محدن يجارينى ويقدر عليه

هلا بك مشتاق شرفتنا
بمرورك ولاهنت

الله الله ..
استلم ..


انته تقوله والدعاوي تياسير = في حق ربعك لا تجيب الرديّه
وجه ركابك في نحا حرب ومطير = يالفارس اللي مالقيناحليّه

..
الاخ الغالي
مشتاق شرفت ونورت اسعدنا حضورك..

يامال فرقا العين وش هالتفاكير=راحت علومك بين روحه وجيه
ومن لا يعرف الحر يشويه كالطير=يا جاهل الاحرار تبشر بسيه

...

الحر .. يفرق عن قصار المناقير = يامال فرقا العين دنيا دنيّه
مالي ورى بعض السوالف مداوير = اللي يبا العليا تراني خويّه

اعذرنى اخوى مرزوق على التاخير
الصلاه فى وقتها وانا اخوك
استلم طال عمرك..
جساس مايشبه ترى سالم الزير=ولا لا تزكى نفسك المجد ليه
نعرف رجال الطيب واهل البرابير=ولا نلتفت لاهل العلوم الرديه

..
تقبل الله
والصلاه هي الاهم طال عمرك..
استلم ..

من منطلق بعض الجمل والتعابير = مافيه داعي تجحد الواقعيه
نعذرك لو يظهر على الجهد تقصير = ماكل عيّه بالميادين عيّه

الطير يكفخ بالجناحين ويطير=ومعلمه ربى ورب البريه
واقبل تحياتى وانا ناوى اسير=واقبل سلامى والخوى لاخويه

....
دربك سمح وصح لسانك..
شكرا لك واعذرنا على القصور ..

صح السانك يامرزوق والسان يوسف وسجلوا اعجابي بكم


تحياااااااااااتي

صح بدنك يالدلبحى
وشكرا على مرورك

السلام عليكم

مجرد تسيجيل اعجاب لكما ولكل ماكتبتما

سارح البال اعجابك وصل
ولاهنت يالغالى