(( كل شيخن ينزل جاعده عن شداده ))
براك المهيدلي28-Oct-2010, 10:10 PM
عد ماذعذع الغربي و نسنس براده=مرحبا من هواجيسن لها ما عليها
كل شيخن ينزل جاعده عن شداده=بنت ابو زيد جاها اللي يبا يحتميها
علي الثبيتي28-Oct-2010, 10:35 PM
عد ماحجو عباده ولبوعباده=البقى من هجوس (ن) صافي الذوب فيها !!
كل شيخ (ن) معه سيفه و ويصهل جواده= وبنت ابو زيد تال الوقت لاتبتليها!!
خلف المطيري28-Oct-2010, 10:36 PM
لاتبتليها
الله الله
صحت الالسن والقلوب جميع
والصف ثبيتي
ابن المحايا28-Oct-2010, 10:40 PM
بداية موفقة
صح لسانك يابراك
وصح لسانك ياعلي
والصف صف براك من دون قصور في علي
<<ما اقدر اجي مع العارضي في صف واحد;);)
علي الثبيتي28-Oct-2010, 10:41 PM
رحب ارحب يابوعبدالله صح بدنك والصف يتشرف فيك
علي الثبيتي28-Oct-2010, 10:43 PM
بداية موفقة
صح لسانك يابراك
وصح لسانك ياعلي
والصف صف براك من دون قصور في علي
<<ما اقدر اجي مع العارضي في صف واحد;);)
صح بدنك وخلك مقابل للعارضي حتى يضبط التحدي ههههههههه
خلف المطيري28-Oct-2010, 10:46 PM
بداية موفقة
صح لسانك يابراك
وصح لسانك ياعلي
والصف صف براك من دون قصور في علي
<<ما اقدر اجي مع العارضي في صف واحد;);)
هههههههههههههه
يالله ماشي ومقبوله
عاد الكويت ماغير نفعه وربعي ويحبوني
الا انت:rolleyes::rolleyes::rolleyes: شجعت الهلال علشان المحياني واخرتها ماتجي في صفي
وانا ماعمري شجعت غير فريق حفر الباطن:):)
ابن المحايا28-Oct-2010, 10:51 PM
هههههههههههههه
يالله ماشي ومقبوله
عاد الكويت ماغير نفعه وربعي ويحبوني
الا انت:rolleyes::rolleyes::rolleyes: شجعت الهلال علشان المحياني واخرتها ماتجي في صفي
وانا ماعمري شجعت غير فريق حفر الباطن:):)
ههههههههههههههههههه
لا يارجال الدعوة مغر مزوح
اما المحياني اللي في الهلال (هذلي)
مهوب من ربعنا
وياليتني شاعر عشان اطلبك واحاكمك مثل ماتحاكم الشعار هنيا
بس الظاهر بكلم سعود يستلمك:cool::cool: نيابة عني
سعد خالد العازمي28-Oct-2010, 10:55 PM
الله يعطيك العافيه يا شعار من ىلوزن الثقيل
براك المهيدلي28-Oct-2010, 10:55 PM
أنت نشمي ولاعندي عليها زياده=اسمع الاوله ثم اسمع اللي يليها
سيدها اللي يطوّق جيدها بالقلاده=يترك الباليه و الغاليه يشتريها
خلف المطيري28-Oct-2010, 10:56 PM
ههههههههههههههههههه
لا يارجال الدعوة مغر مزوح
اما المحياني اللي في الهلال (هذلي)
مهوب من ربعنا
والليل الليل
وياليتني شاعر عشان اطلبك واحاكمك مثل ماتحاكم الشعار هنيا
بس الظاهر بكلم سعود يستلمك:cool::cool: نيابة عني
هههههههههههههههه
ادري مزوح والشك زايل
اجل هذلي طلع
تبا الصحيح مطير وعتيبه والعجمان ماينفعون فالكوره
فريق حفر الباطن
الدفاع عيال ابن بصيص والهجوم دوشان والوسط محالسه وينهم ووين الفوز والحارس عبد للفغم
قصدك ابوفهد سعود النفيعي هذا صديقي الخاص مايسمع فيني
خربنا صفحة الربع
براك المهيدلي28-Oct-2010, 10:58 PM
الله يحييكم كل ابوكم :)
ويحيي ابن المحايا اكثر و اكثر :)
لاهنتواا
ابن المحايا28-Oct-2010, 11:00 PM
هههههههههههه
اي والله انك صادق خربنا عليهم
سيدها اللي يطوّق جيدها بالقلاده
يترك الباليه و الغاليه يشتريهـا
صح لسانك يابراك
علي الثبيتي28-Oct-2010, 11:10 PM
وانت شاعر ولاتحتاج مني شهاده= والعلوم الجزيله كلها محتويها!!
العرب ثورت مدفاعها من زناده= ومن جهل فالصقور النادره يشتويها!!
خلف المطيري28-Oct-2010, 11:26 PM
العرب ثورت مدفاعها مـن زنـاده
ومن جهل فالصقور النادره يشتويها
الله الله
صدقت يابوفهد
صح السانك
براك المهيدلي28-Oct-2010, 11:58 PM
ياعلي والله ان الحر نعرف هداده=الحرار يعرفها زين من يقتنيها
وانت حرن يتعب صيدته في طراده=مرتن تعتليه و مرتن يعتليها
علي الثبيتي29-Oct-2010, 12:36 AM
حسبي الله عليك هههههههه
لو كلاً على كيفه تحقق مراده=كان بعض العرب فملاكها ندعيها!!
انت ذيب ن نبا نرميه رمى الركاده= رميةً من ذراع ابواردي محتزيها!!
براك المهيدلي29-Oct-2010, 01:04 AM
هههههه استلم لاعدمتك والختام عندك
حط ظلك فراش وحط كوعك وساده=مانت لاقي لبطنك لقمتن تشتهيها
نعرف ثبيت مثل قريش و قريش ساده=عزوتن جدها ماهوب اخير من ابيها
علي الثبيتي29-Oct-2010, 01:07 AM
هههههههههههه صح بدنك ولساااانك وخير ختام وتصبح على خيررر
حمود بن خيشوم العصيمي29-Oct-2010, 01:23 AM
صحت السنتكم براك وعلي
تحيتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
