الشاعر/ مطلق بن مناحي بن عوجان الرويس //المحيل

بسم الله الرحمن الرحيم


احالو هل البل المناعير للشمال
على ذكر عشب جو اعسوس يعدونه
طوو قشهم والشاص والعايدي شغال
تصالا بلوف الروس واحتر غليونه
خذو فذتين وصبو لعودهم فنجال
عيال انشاط ونسو العود حاجونه
وقاموا وفكو عقلها وساقو الحلال
ونادو على الراعي وقامو يوصونه
ليا درهم الركبي ونهمها يجيها جفال
تقدم لها والشاص معها يسوقونه
وترزم بحمله وتنهض حامل الاثقال
يسوقه شقردين يلاعب درقسونه
اليا نشه بنمره يزلزل رعود خيال
ولاشافو بروقه ولاهلت مزونه
مغار يتهزع بالسهل ويش يابسكال
تقول يتهزاء ب ام كلثوم بلحونه
يقول اتحدى بالغراز ويهوم الجال
دروب الجهامه والوطى لاتهابونه
بعد ماوصلو مرباعهم واستراح البال
وتناسو تعبهم كل جار يعزمونه
خذف غترته عود مشورب وراعي المال
اشاره بعينه كل ابوهم يطيعونه
يقول التجوري فاتحه مانصر ريال
عدلكم على الكبش المربى تذكونه


الشــــاعر// مطلق بن مناحي بن عوجان الرويس

احالو هل البل المناعير للشمال
على ذكر عشب جو اعسوس يعدونه

صح لسانكـــ .... باركــ الله فيك

صــــــح بددنك ,, تسلم ويبارك فيكك