ليش شاعر روق ممشاه عجل ومنطلق .... ؟

ليش شاعر روق ممشاه عجل ومنطلق = ياعتيبة ماتعرفون منهو مطلقه ؟
فوق راسه ودي أرتّل آيات الفلق = وكان ماهدّى عليّ الحرام أبا أفلقه

مطلقه رب البريه على بعض السلق=لين يطرد ثم يبعد مدى كل سلقه
انت شيطانِ نقيدك في وسط الحلق= حالف (ن) لقيدك واربطك وسط حلقه

ولله إنه صادق اللي يقول إنك قلق = ماتخلي واحد الا تجيه وتقلقه
منت قادرني يابو شاربٍ زيييييد انذلق = والسبايب واجد ولا لك الا تذلقه

اركد اركد وانته انسان خلقك من علق=لاتهدد وانته انسان مجناك اعلقه
كيف ماقدر واحد(ن) نص دقنه منحلق=والبقيه ناتفه في يديه مااحلقه

وش تسوي لوّ راسك من الحذف انفلق = مالك الا سبعة اخيط تخيّط مفلقه
" تبطي " ولاني بمطلق ترى والا طلق = يوم ياجاهل مافي حزامهم غير اطلقه

لاتعيد الهرج والباب خله ينغلق=وان عجزت اخدمك انا ياعميلي واغلقه
انعثرت او طحت بالرجل فالحزم الزلق= مير انا برفعك من يوم طحت ابمزلقه

سعود البرقاوي

تشرفت باللعب معك والطيبين شرواك وهذي حبة خشم

بارك الله فيك شاعر روق

ولاهنت على كل حال ، واعذرنا على القصور

تسلمون على المحاوره يالربع

تحيااااااااااااااااااااااااااتي