مرزوق يا حزامي .. ازهم على راس حربه ومناحي (( الصفوووووف يا هل الرباعيه))

يالله عسى بداية خير ...


قوم وقّف معي يا ولد عمّي وغنّي=ودنا قاف يصمخ .. فيه حن ٍ وونّي

وان زهمت الثنينه جنّي جا معه جنّي=صفقو يا صفوف ويا جماهير حيو



الليله الليله نباها عراش=والقاف حامي .. ما يبا له حمي

فال خير ان شاء الله



راس حربه وكبتنّا مناحـي تقـدم=طبعنا لا وقفنا نروي السيف بالدم
ومن نطحنا طوال العمر نفسه تندم=واقدحي يا زنود و ولعي يا فتايل



تبغونها بالطيب والا هواش=وارواحنا من دونها نحتمي

يالله عسى بداية خير ...


قوم وقّف معي يا ولد عمّي وغنّي=ودنا قاف يصمخ .. فيه حن ٍ وونّي

وان زهمت الثنينه جنّي جا معه جنّي=صفقو يا صفوف ويا جماهير حيو



الليله الليله نباها عراش=والقاف حامي .. ما يبا له حمي



أبشر بالصفوف يابن العم
عليك بسايق الاوتبيس مناحي
|165||165||165||165||165|

|191|

كان احتريت مرزوق يا راس حربه ... !!

.
..

فيصل وانا اخوك
انا عارف ان الرباعيه دايم تبطي
اذا جاء واحد ما جوا الباقين ؟؟؟
عشان كذا رديت عليك ابيك تفهمها
العب انا وياك وان جاء مرزوق والكبتن
والا كملنا لعبنا والحمد لله
ما هوب تقعد تحتري
ولا يرد احد
مالها داعي
:)


تحياتي لك،،،

يا مال الغنيمة يا راس حربه

كلامك على عيني وراسي .. والسموحه الفهم بطيء شوي

مير حنا نبا ننتظر مرزوق .. عساك سالم

والكبتن مناحي موجود على طول ...

وهي حلاتها رباااااعية ...

فيصل

ازهلهم يافيصل واطلع سنود
:)

يالثبيتي تراني معك في كل هيّه = والثنينه هذولا كلهم في يديه
ويل كبتن مناحي بس يصبر شويه = صفقوا ياصفوف وياجماهير حيو
...
يالكبتن المشهور معي الكلاش = لو طرت مايخطيك منّا الرمي

كفو يا قحص.. بيض الله وجهك

والمره هذي خلها على راس حربه

ومناحي نلتقي به بعديــــن ...

دام عزك ...

فيصل

الله الله يا مرزوق

ننتظر مناحي

.....
.

يالله حيّهمـ
.....

.

يالربع من مع من

وش فيكم ؟؟

والله متابع لكن لخبطتونا

علمونا بالترتيب لا نضيع في الطوووشه

فيصل الثبيتي
ثم
مرزوق العتيبي

...

.


راس حربه
ثم
مناحي

...

الله يعطيكم العافيه ويقويكم

متاااابع

للحماس والإثاره واللقاء الرائع

تحياااتي

منظم صفوف ومدري مع من أروح

سوف اذهبوووو إلى المسجدي حتى اووصلي :rolleyes:

>> يالله يكتب فصحى :D

وبعدها سوف اتأخروو والله اعلموووو :)

خلك معنا يا ماجد ونبخششك :D

هيه ياصاحبي مرزوق فالقاف واصل=ريثما فاصل وخيّك بعد راح ياصل

وان حضر قول فيصل ..وان غدا قول فاصل=صفقوا ياصفوف وياجماهير حيّو
*
*
امّا كذا يالربع ولاّ بلاش=مرزوق اعدّه لقمة ً في فمي

الله

عليكم

مبدعين

بس

الرباعيه

ماتصلح

توزعوا

فريقين

كخخخخخخخخ

...
.

ووووينكم ؟
بوووه احد :)

..

.
..

فيصل راح يصلي
وعلى وجهه لها الحين ما جاء
وانا والله ذبحني النوم من الفجر ما نمت
وما ادري وش اخرتها
:)

السمووووووحة على التأخير


سيفكم فوقكم .. والرمح قوسه عليكم=عقب جتكم رجال ٍ تنوي الشر فيكم

ضربة ٍ في الرويس .. وضربة ٍ في يديكم=صفقو يا صفوف ويا جماهير حيو




جتكم من امطار القوافي رشاش=لا بالله الا سيل سيّح دمي

...
حضووووووووووووور..
..

والرد فالطريق
...

يامناحي تركد واختصار الكلامي = فيصل ان كان ماتعرف سمي الحسامي
يضربك ضربه اتقص اللحم والعظامي = صفقوا ياصفوف وياجماهير حيوو
*
**
*

لن قاله الله واستمر النقاش = لجعلك تجلس تحت في اعلمي

خلوووووووووها


والله انه يذوق الضرب طخه وطخه=لين من كثر ما يلقى ندوخ لمخه
حط فخه وعود طاح في وسط فخه=واقدحي يا زنود و ولعي يا فتايل


وردت انا وياه نبغى المعاش=وانا رويت وفيصل..اقمح.. ضمي

.
..

تصبحون على خير
وراي بكره دوام يالربع
والوعد بكره|45|

مناحي نوت هير !!

جاكم مناحي...

طيب..طيب .. يامرزوق


فيصل اللي تعدّه من جميع النواحي=ماهو بفيصل العيّه هذاك الرياحي

يذابحه راس حربه وانت جالك مناحي=صفقوا ياصفوف وياجماهير حيوووا
*
*

النار تشتب والقدر دوب طاش=وانا على دربي يسير قدمي

الله الله اعلام المحاوره مجتمعين

ازهلوا الصفوف يالربع

فيصل تراني في صفك واصلوا

تحياااااااااااااااااااااااااااتي

الليل الليل


دام كل المبدعين موجودين


كيف ماتبون الابداع يكتمل


أكتمل الأبداع


وواااااصللووواااااااااااا


متاااااااااااابعين


تحياتي يالغالين

خلووووووووووووووووها



الخواجات يا راس الحرايب فضايح=مار علم رفيقك دام حظه تطايح

شبّت النار فيكم والدمي تنتسايح=ولعوها على راس العدو ولعوها



ما عندنا لك يالصغيّر فراش=من يوم دمك مثل دم حلمي

ابو حمود

تواجدك الدائم في صف ابن عمك

سيظل إلى الابد هو الداعم الاول لي في

فن المحاورة .. دمت والا هنت ...

فيصل

ابن العم والسمي

فيصل .. تواجدك هو الابداع بحد ذاته

جميل .. ان ارى حروفك تتلألأ هنا

ابق هكذا ...

فيصل

...

ياسلام يافيصل ..
عليك ابهم :)





ارعدت وابرقت ثم هل منها مطرها = يم راس ابن مطلق قام يقرب خطرها
يمكن انه ينير ولايقف في نحرها = صفقوا ياصفوف وياجماهير حيّوا

الفكر دوبه بالتماثيل طاش = يامناحي احفظ مايخط اقلمي

استلم استلم
يا ويلك ويلاه
:)


اصلنا يا جماعه ما لحق فيه شكه=وفيصل اقسم حرام الحرم والله ما افكه
لو تذرّا بسور الصين والله لدكه=والحموله ثقيله ما لها الا جملها


والضب في جحره زبن ثم كاش=عينه من الشكمان راحت عمي

.
..

لكل اللي مروا من هنا
:)
حياكم الله وشاكرين لكم مروركم

.
.
.

اخوكمـ /

ننتظرك يا مناحي ...

يالربع انا معزوم على عشى ...

ومناحي ما جانا من ظهر !!

وهذا ردي على راس حربه

خلوووووووووووووووووووووووها



عرّف الناس ويش انتو من آدم وحوّى=سامح الله مدير المنتدى كيف سوى

جاب ناس ٍ مجاهيل ٍ علينا تقوّى=صفقو يا صفوف ويا جماهير حيو



يا راس الجني سجّها وانحاش=ما ودي اذبح واحد ٍ مسلمي


في حفظ الله .. لين نرجع

يالربع أنا لكثرة مشاغلي ماتواجد الا توال الليل..

طيب ..طيب ..يامرزوق


البروق اتلامع والطيور اتواقع=خشيه من السحاب ورهبه امن الصواقع

ويالعلّ البرد في راسك انت يتصاقع= صفقووووا ياصفوووف وياجماهير حيووو
*
*
اقلط على الفطحفه ..ما احب الكراش=خل الكراش لكرشة الحظرمي!!

ياخوي يافيصل..ظيف الكرام يعزم..

لاتقول انا معزوم وتكبنا..

وحنا خوياك اللي تجرحت حناجرنا معك..نغني من امس..

وينك يا مرزوق ؟ :confused:

..
ابكم اثر الرد عندي :)
انت متى رديت يافيصل ؟؟؟؟



يازمان المشاكل يازمان العجايب = وانت يامناحي اخبرنا معك ويش جايب
خاو عان الاشده في ظهور النجايب = صفقوا ياصفوف وياجماهير حيو
*
*

ترى القمر وسط السما مايناش = واليعربي ماهوب مثل اعجمي

الله الله
استلم يا فيصل


ما تغر الاسامي والفعايل تحدد=مير سدد جميع الدين هـالحين سدد
لا تذرا بمرزوق العتيبي تهدد=والحموله ثقيله مالها الا جملها


لا والله الا شيل وسط الخياش=يا لين بالتوبه هنا يبصمي

يا سلااااام يا سلاااااام

ننتظر مناااااااااااااااااااااحي

فيصل انت المسؤؤل عن الرباعيه ..لا تلخبطووونا


مرزوق ..طيب ..طيب


يالعتيبي تفكّر فالزمان المهوّل=والزمان المهوّل غير عن عام الاول

ليت وليّا الحكومه يمنعون التجوّل=صفقوووو ياصفوووف وياجماهيرحيووو
*
*
بعض الرجال اليل فتشناه ماش=ماعنده الا هيكل الادمي

الله يعين يا مناحي .. واستلم يا راس حربه عساك سالم



كان ما تقدر تفرّق ما بين الرجالي=والعرب كلبوهم غالي ٍ وابن غالي

جعل مالله يظلك لا بغيت الظلالي=صفقو يا صفوف .. ويا جماهير حيو



ما تسري الا عند دور النعاش=من عقب ما نكويك بالميسمي

الله الله


انت وش فيك تشقح بين جرف وعدامه
اركد اركد لا لوي برقبتك العمامه
مقبللك نهار ٍ من نهار القيامه
صفقوا ياصفوف وياجماهير حيوو
*
*

الشعر توّه صار فيه انتعاش = مع حضرتك يالشاعر المجرمي

ومن قال سالم .. استلم يا فيصل


كان جاهل تعلم .. كان ناسي تذكر=كل واحد ومنزاله ولو هو تنكر
والعرب تختلف ما بين ملح(ن) وسكر=صفقوووو ياصفوووف وياجماهيرحيووو



ما لك لوا ياللي سواة الكباش=ينطح جبل يا لين طاح وغمي

كان مرزوق ودّه بالمصادم نكبته=وكان شارب بحر فانا تراني شربته
احمد الله مناحي محد يَربط رقبته=صفقووا ياصفوووف وياجماهير حيوووو
*
*

انا مناحي ذيب ماني بلاش=وانته تراك المجرم العالمي

أخواني فيصل الثبيتي

مرزوق العتيبي

راس حربه


يبدو ان المحاوره اخذت حقها


وصحة السنتكم


ولنا لقاء اخر بإذن الله

.
..

صح لسان الجميع
وكل واحد يصلح سيارته
:)

.
.
.

تحياتي ،،،

صحت ابدانكم .. والله لا يهينكم ...

..
.

صحت ابدانكم ... وبيض الله وجوهكم
على الابداع الغير مستغرب .
...