قصيدة للشاعرالرائع/ ناصر نداء المرشدي

بسم الله الرحمن الرحيم
أضع بين يديكم هذه القصيدة الرائعة للشاعر المبدع ناصر المرشدي
وهي قصيدة مدح في قبيلة عتيبة الهيلا
وأتمنى أن تنال إعجابكم،،،،،،،،،


ياناشداً عنا بعد هزك الشوق=خل القلوب اللاهية في ترفها
حنا بخير وروسنا عاليه فوق=ماهمنا شهب السنين وصلفها
في مملكتنا والقبيلة بني روق=قوم تسلسل من عتيبة سلفها
ذباحة الحايل وللمعتدي عوق=لاثارة الهيجا وسيقت عطفها
لاجالها زلزال ورعود وبروق=تلقى الطيور من الأعادي علفها
والسيف جاله في نهار الوغى سوق=كم روس من فوق المناكب حذفها
بأيمان قوم ساقت ارواحها سوق=يزيد مع صوت الهنادي شعفها
يتوب منها مخطي الدرب ويتوق=إن كان نفسه مالحقها تلفها
قوم تحوق الطيب بايمانها حوق=تدرك مناويها وتاصل هدفها
منزالها صرحاً مشيد ومرموق=كل القبايل فالوجود تعرفها
والطيب معها طول الأيام مخلوق=تيار جراف العرب ماجرفها
الله منزهها عن الغدر والبوق=على النقاء عوب الأمور تعسفها
رجالهم للطيب ماهوب مسبوق=وإن قام يحمى وقفته لاوقفها
دون اللوازم غالي الروح مسيوق=ماهوب مثل اللي عن الطيب يفها
ويامنكراً ماقلت مطفوق مطفوق=بيني وبينك صفحة المجد شفها
تلقى كلامي بالدواليل موثوق=ماهوب هرج اللي كثيراً هرفها
تشهد لنا في نجد جيان وعروق=وتشهد لنا وديانها مع شففها
من السراه حدودنا لاجبل طوق=ومن الحصاه اليا القصيم وطرفها
نجماً نزل واشرف على نجد من فوق=وعنه الجموع بقدرة الله حذفها
ورسى وساق اللي بقى فالوطى سوق=وأهل السلف رجع عليها سلفها
وقتاً مضى مابين لاحق وملحوق=واليوم أمان وعز ربي خلفها
كل السوالف بين عاشق ومعشوق=تنعم مواليف النفوس بولفها
لافيه لاصافق ولافيه مصفوق=خل النفوس اللاهية في ترفها

..



شي عريب .. وين ردود الأعضاء ..


قصيدة في منتهى الإبداع .. والجزاله .. وخاصة أنها في مدح القبيلة ..





بيض الله وجك ياذيب كميت .. وإذا كانت هذي أول مشاركة وبهذه القوة فنحن متفاؤلون بك ياعزيزي ..




أخوك نادر العش ..

ذيب كميت

صح السانك و السان الشاعر ناصر المرشدي

و بيض الله و جهك يا كحيلان

الف شكر على النقل الرائع

ابو خالد الروقي

مشكور مشكور

اخوي ذيب كميت

على هذا الاهتمام وهذا الاطراء وعلى التفاعل مع قصايدي وهذا ان دل اولا دل على اهتمام بهذا المورث الشعبي الذي فيه نوع من الاهتمام بالماضي
وثانيا جودة القصيدة فلو كانت غير ذلك ماكان هذا التفاعل

[صورة غير متوفرة]

ياذيب كميت

[صورة غير متوفرة]

ياذيب ديرتي

http://www.7mml.com/uploads/d6ee48d60f.bmp

في منتدى الهيلا بين اهلك اخوانك

ومشكور على نقل القصيدة وصح لسان الشاعر

وحياك الله

ذيب كميت كم أنت رائع فالأختيار المجدي والممتع

لما يدور فالساحة الشعرية فهذه القصيدة تحدثت

مع نفسي من أول بيت قرأته فكل بيت يشدني للبيت

الذي يليه خص ان اختيارك جاء لشاعر لم أسمع فيه

من قبل ولكن هذه القصيده تدفعني للبحث عن فرائد هذا

الشاعر المبدع والمتميز ......

تقبل تحياتي .....

صح لسانك ياذيب كميت وصح لسان الشاعر المعروف ناصر المرشدي
وقصيدة جزلة من شاعر جزل ومبدع
وخصوصا" أنها في مدح القبيلة
ونحن لانستغني عن مثل هذه المفردات الفريدة من نوعها
وتقبلوا تحياتي

مساكم الله بالخير جميع
ومشكوررررررررررررررررررررررررين على هذه الردود الرائعه
ويعطيكم أأأأأأأأأأأأأأأأأأأأأأأأأالف عافيه
وتبشرون بالمزيد إن شااااااااااااااااااء الله
تقبلوا تحياتي
أخوكم ذيب كميت