موضوع في غاية الاهميه
صعوط المجانيين18-Jun-2007, 01:59 PM
السلام عليكم ورحمة الله وبركاته
اخواني المشرفين والاعضاء بعد التحيه
نلاحظ أن المنتديات الاخرى اذا تبغى تاخذ من المحاورات ماتقدر الا اذا سجلة معهم في المنتدى وبعض
المنتديات لازم ترد على الموضوع وبعدين تقدر تنزل المحاوره
أنا كنت أدخل منتدى عتيبه الهيلا من سنتين أسمع المحاورات ولم أكن من الاعضاء
عندي ملاحظه بسيطه لو تدخل على قوقل وتطلب محاورات ياتي أسم الموقع من أول المواقع
ولو نحسبها اذا الموقع فيه 100000الف من الاعضاء وبعد التسجيل الالزامي يصبح اعضاء
الموقع 500000الف أوأكثر
وهذي الطريقه
تحفظ حقوق المنتدى والاعضاء
تقبلوا تحياتي
أخوكم
ابوتركي النفيعي
ابوبجاد الرويس18-Jun-2007, 02:02 PM
مشكور
وعزالله انك صادق
واقتراح رائع من جميل جدا
وكان على بالي والله
احمد المقاطي18-Jun-2007, 02:35 PM
عز اللة ان رأيك في محلة
تحياااتي
صعوط المجانيين18-Jun-2007, 05:34 PM
ابوبجاد الرويس
تدري وش المشكله ياخي
الحين فيه منتديات بدون ذكر أسامي قامت أتنافس منتدانا في المحاورات 90بالميه المحاورات ماخذينها
من منتدانا ويحطون على المحاوره شعار منتداهم
والمشكله يتفاخرون أن منتداهم عدد أعضائه وصل كذا وكذا
وحنا نتعب وغيرنا يستفيد
مهوب حسد الله يوفقهم
بس نبي نحفظ حقوق المنتدى والاعضاء
تقبل تحياتي
صعوط المجانيين18-Jun-2007, 05:40 PM
أحمد المقاطي
الله يحييك
ياليت الاعضاء يسجلون ملاحظاتهم ونبغى رايهم
واذا صار الموضوع هذى
عندي موضوع ثاني يخلي الاعضاء يتنافسون منافسه أخويه بينهم على كل شي جديد
ينفع المنتدى
بس بعد مايتحقق المطلوب
تقبل تحياتي
مرزوق حمدان العتيبي18-Jun-2007, 06:58 PM
..
الغالي صعوط المجانين...
امممممممممم بصراحه مافهمت اقتراحك بالضبط ..
ياليت توضح لحسن اخوك هالايام تركيزه مش ولا بد..
مدحدر مع دحدرت السوق :)
...
كل الود .....
يوسف السيحاني18-Jun-2007, 08:28 PM
صعوط المجانيين18-Jun-2007, 10:24 PM
مرزوق العتيبي
الله يعينك ويوفقك
بالنسبه للموضوع وأنا أخوك
أي واحد مهوب من الاعضاء ماياخذ من المحاورات أوغيره من المواضيع الا يكون مسجل في
المنتدى
هذا المنتدى الوحيد الي تدخله وتاخذ الي تبيه من غير تسجيل
طيب اذا ماتبي تحط تسجيل في المنتدى اي موضوع ينزل صوتي او فيديو حط عليه شعار المنتدى
وكذا حفضنا حقوق المنتدى والاعضاء
تقبل تحياتي
صعوط المجانيين18-Jun-2007, 10:28 PM
يوسف السيحاني
مرحبا مليون
أسعدني مرورك
تقبل تحياتي
قايد_السرب19-Jun-2007, 07:20 AM
صعوط اسمحلي على المداخله
اخوي كلامك ميه على ميه بس اكثريت اكواد فيها ثغرات مفتوحه
فيه طريقه وحده وهي حجب اقسام المنتدى عن الزوار ويرغم الحجب اي زاير بالتسجيل وهي كذا ولا كذا راح يسرقون اما عن الملفات الصوتيه اللي ينزلها في المنتدى قبل لا ينزلها يسجل قبل المقطع رابط او مسمى منتديات الهيلا في نفس الملف الصوتي وبكذا ماراح يسرق احد منكم
تحيتي
صعوط المجانيين19-Jun-2007, 11:30 AM
أخوي قايد السرب
الله يحييك
والله والله ماطرحت الموضوع الا أبي مصلحة المنتدى والاعضاء
بالنسبه للتسجيل كل المنتديات أمسويته ليش بس منتدانا بدون تسجيل
أرجع للأخ الشاعر الكبير حبيب العتيبي كان يتفاخر بعدد الاعضاء
في أحد المقابلات ومن كثر الاعضاء قامو يوقفون التسجيل لعدة أشهر
وبالنسبه للملف الصوتي أوالفيديو على الاداره أن تضع الطريقه
وتضع الشعار وصوت بسم منتديات الهيلا
تقبل تحياتي
مدسم الشوارب19-Jun-2007, 01:44 PM
صعوط المجانيين
بالفعل موضوع مهم وإٌقتراح جميل
مرزوق حمدان العتيبي19-Jun-2007, 05:05 PM
....
.
شكرا للجميع .. على الافكار الجميله ومداخلة قائد السرب رائعه
اخي الفاضل صعوط المجانين وضح ماكنت تقصده والله يعطيك
العافيه .. فكرتك رائعه واقتراحك مميز ... ولكن هناك سبب رئيسي
منعنا ان نحجب القراءه الا بتسجيل دخول ... كما تعلم العنصر النسائي غير مسموح لهن بالمشاركه فالمنتدى ... واعتقد انه
ليس من العدل ان نمنعهن من الاطلاع ... قضية حفظ الحقوق
الطريقه التي ذكرها قائد السرب مثاليه وهي الحل الامثل ...
مودتي
....
صعوط المجانيين19-Jun-2007, 06:11 PM
مدسم الشوارب
أسعدني مرورك
يالغالي
صعوط المجانيين19-Jun-2007, 06:31 PM
أخوي مرزوق العتيبي
يامرحبا مليون
أنا عطيتكم الموضوع وأنتم الاداره والراي الاول والاخير لكم
وللعلم أكثر أقبال الجمهور على المحاورات والقصيد المسموع
والله أن فيه منتدى جديد حط قسم للمحاورات وكل المحاورات موجوده
في موقعنا وحاط شعار منتداهم على المحاورات والقصايد والمشكله
تدخل على المحاوره تلقي أسم الشاعر غير عن الاسم الموجود بالكتابه
وبالنسبه للملف الصوتي أوالفيديو على الاداره أن تضع الطريقه
وتضع الشعار وصوت بسم منتديات الهيلا
تقبل تحياتي
