اقرب شاعر يتفضل مشكور

سلام بعد اسبوع مدري فوق الاسبوع بليال=مير المهم اني عقب ماغبت راجع بالسلام
دخلت ابقرا فالقصيد وفي معانيه الجزال =ولادريت الا القريحه طيرها فالراس حام

ماحولك شعار

يامرحبا واللي حضر ما قالت العربان طال=مير المهم بمرحبا ياصاحبي نبدا الكلام
الكنز من صرف الذهب ..والكيف في خشم الدلال=واللي تهيض خاطره يرقب لعينه لا تنام

رفيع

المنزل

لي

الشرف

رفيع المنزل ..

صح لسانك وبدع رااائع من شااعر اروع ..


مرجح الموازين .. حي هالاسم ورااعيه ..


صح لساااانك .. ومتابعين للمتعه والفائده ..

المعذرة طلعت البارح لان الرد تاخر علي لكن استلم


دام البقا واهرج معي هرج ٍ ماهو قيل ٍ وقال=انا حشيم وجيت لي ربع ٍ يعزون الحشام
نسكن على القمه بحمد الله وفيها لانزال=واللي يعاندنا يبي يذعن ولاياصل المرام

مرحبا اخوي رفيع المنزل وحييت مليون..


اهرج وأنا أهرج والوفا لأهل الوفا سلم الرجال=اللي لها بين النجوم المرقبه قدر ومقام
وكانك تبيها بالمثل قال المثل وأضرب مثال=المحترم لو هو عدو يفرض عليك الاحترام

أخوي

دريد

ومن قال يحيا وصح بدنك

ومتابعتك لا شك انها شرف لأخوانك

تسلمون ياشعار
ابدااااع رااااائع جداا
متااااااااااااااااااااااااابع

أخوي الأصمعي

يامرحبا يامرحبا

ويسلم راسك.. والابداع والله

مرووووورك ومتااااااابعتك

عز الله اني مانويت امشي على غير العدال=هذي سلوم اهل الوفا واهل المعزة والكرام
لكن يحدوني بعض ربع ٍ يحبون الجدال = وانا على العايل سواة السيف قصاص العظام

دريد بن الصمة مشكور على تواجدك

واشكرك الجميع كذلك واقول

متابعتكم شرف

اللي سواتك منزله دايم على روس الطوال=ماهمه اللي منزله يحسب تحت كوم الحطام
ياشعيل يابعير البدو ياللي تنوخ للثقال=لا أحدن يحدك للعلوم اللي تلحقك الملام

صحت السنتكم يشعار
مبدعين

يامرجح الميزان تسلم وانت وافي باي حال=لكن ترى الجاهل يبي ربعه تعلمه النظام
ترى العرب قالوا سفيه القوم لاحل المجال=ان كان ماكفوه شوه شكلهم بين الانام

ومن قال يسلم وأنت رجل جامع كل الخصال=الطيبه حتى غدى للطيب في صدرك وسام
بعطيك كلمه وحده للشك مافيها احتمال=( ماينفع اللي طامع فالكايده كثر الحلام )

ومن قال يسلم وانت رجل جامع كل الخصال=الطيبه حتى غدى للطيب في صدرك وسام
بعطيك كلمه وحده للشك مافيها احتمال=( لا تحسبن ان الليال المقبله برد وسلام )

رفيع المنزل صح لسانك

استفدت منك الكثير والأخير عندك

نايف الروقي صح بدنك

ومرورك منور

مامن عليكم زود ياهل الطيب ياكرام السبال=واللي تعب للطيب يشكر والجزيلات اغتنام
والكلمه اللي قلت عندي مثلها والشك زال=عليك مردور النقا لاثار للهيجا عسام



تشرفت باللعب معك واشكرك من الاعماق على اريحيتك

واشكر جميع المتابعين

ومن قال يسلم وانت رجل جامع كل الخصال
الطيبه حتى غدى للطيب في صدرك وسـام
بعطيك كلمه وحده للشك مافيهـا احتمـال
( لا تحسبن ان الليال المقبله برد وسلام )

صح لسانك يا رفيع المنزل


وصح لسان مرجح الميزان وسجل اعجابي

تحياتي

مرحبا بك يالفالح ومرحبا بمرورك

وصح بدنك

شهادتك وسام

ولك مردود التحيه