آه يا قلب

آه من قلبٍ لواهيب السموم اتغربله=كل ما شاف العجاج يقول قافيه المطر
روّحت عامين من عقب العشر مع ما اجهله=وعادة الرجوى تلهّيه وتسلّيه بخبر
تاهت اوصافه بوقتٍ ما ظهر له مرجله=كود في قصع الحكي ومقابل ادلال وتمر
يا فوادي لو الي قدره بقول الك ازهله=واعسف الايام غصب ولو زعل مني بشر
من ثنايا الوقت اشق الك الطريق وتدهله=وآخر الطرقه معاليقك توردها النهر
من جبال ٍ شامخه يا كنّها لك مقبله=مع قلوبٍ قد روت من قادح القله ضفر
شاقية بعيوننا فارضٍ قفارٍ ممحله=لكنّها تستقبل الموت وتلقّيه النحر
هي درعنا هي رمحنا اللي جلنا ما ينقله=ياجعلها تروى من الكوثر ليا زاغ البصر
يا سيوف العز بارض الرافدين امبجله=لو لسان الحقد بسمومه فالاعلام انتصر
بأرض بغداد الشموخ اجحارة ٍ لمجلجله=والجحر للحيّه الملعونه يصير القبر
للدّمي بانيابها من كابل العزّ الصله=اخذوا ابثار اليتاما من ملاعين الكفر
ما بقي دون الحلوق الا اليدين امكبله=من يقطع اقيود اليدين وياخذ وسام النصر
المحاجر بالدموع امن الغبن متزلزله=والبكا وسط الحناجر ما قوى دق الوتر
عزة الاسلام ذكرى فالعقول الها وله=ما يعود الماضي .. الا نرجع الهاك العصر
بلّغ الرّوح بحكاية عزّنا من أوله=يا خفوقي.. مالقيت الك ابتهاونا عذر

صح لسانك


وراك عاد كاتبها بهالقسم؟

صح بدنك


كل محاولاتي في النظم هنه


انا لا هالحين اتعلم :)