____________________***** المحاوره المميزه لهذا الاسبوع *****_____________________

اخواني مشرفي واعضاء منتدى الهيلا/قسم المحاوره

نضع بين ايديكم المحاوره التي تم اختيارها من قبل الإدارة كمحاورة

مميزة للاسبوع.

وهذا لايعني انه لايوجد محاوره تستحق غيرها.

بالعكس فأغلب المحاورات كانت رائعه ولكن كما تعودنا الاختيار لمحاورة


واحدة فقط.




العازمي

سلام الله سلامٍ في جبين ايّامنا مطبوع = سلامٍ للرجال اللي على الطاله منازلها
بعد فكرت ياناصر وقدّمناك فالموضوع = تذّكر يوم قلنا حملتك ياشعيل واشتلها


ناصر الجلاه

هلا يامرحبا ترحيب يسمن من طواه الجوع=يقدم للرجال ومن خيار الطيب وأجزلها
بعد ماغبت لك مده تقدر في شهر واسبوع=هواجيسٍ تزاحم في ضميرك قدمنا قلها



العازمي

ليامنّا هرجنا بالحقايق والزعل ممنوع = نبانفتلّك الحجّه وتنقضها ونفتلها
هنا فالمنتدى ياصاحبي مع صاحب المشروع = بعد حققت مع راس الهرم وشهي محاصلها


ناصر الجلاه

ياعيد اعرف كلامك لوصوتك ماهو بمسموع=برق لك برق في غيمه تعدتكم تخايلها
هنا فالمنتدى وقفه مع الطيب فريد النوع =حقايق والحقايق مايجوز إنا نفصلها



العازمي

تخيّل واحدٍ طب البحر يبحث عن الجربوع = ولو انّك تحرمها ترى غيرك يحللها
جحد صاحبك كل التهمه اللي مالها مرجوع = وقفّى مع صحيبه وانته الاعذار تقبلها


ناصر الجلاه

ترى من ضاع حيله في طريقه والرجا مقطوع=يغنيلك على المفرود وبيوته يمولها

مادام الله خلق له قلب كاشف ماعليه ضلوع=تبى الايام تكشف لك حقيقه كنت جاهلها

العازمي

اخبرك منت بمصدّق وياضنّي بعد مفجوع = نقصرها واشوفك يالعصيمي تاتطولها
حليب المغتر اللي جايبينه والدسم منزوع = تتبع مصدره والخلفه اللي منه شمّلها


ناصر الجلاه

لو إنه جاء من المجنون عادي فالعتب مرفوع=ولكنه من الناس الفهيمه كيف اجاملها
ترى واحد لتر صافي مبستر مايجي ( قرطوع )=يكفيني : عن الخلفه لا دررها واعوبلها


العازمي


هذا حال الدهر طامع وغيره واحدٍ مطموع =ملابيس الحضاره ماتجمّل من يفصلها
عليها من جهتك الحبل مثني لا .. بعد مربوع = وحيده مار في ديرة عتيبه لاتهملها


ناصر الجلاه

احد ينهت بدون دموع والآخر بكى بدموع=لكن العولمه عالم معقد ماتحللها
ترى ماهي بسيطه يابن عاصي مثل حب الكوع=تمثلها على كيفك انا ماني ممثلها

محاورة مميزة ..

صحة السنة شعارها ..

وشكرا لك يامعجب