يابو زهره

مرحبا ياولد زهران في كل حال=عند قومن تعز الضيف وتكرمه
لاح برق الخيال وهل وبل الخيال=وغيب الايام يازهران من يعلمه

البقا والتحيه يازحول الرجال = وانحن العرف والمعروف ما نعدمه
دام انا وانت في نعمه وفي سترحال = ما نشب من على العليا يدف اقدمه

ماعليكم زياده واليالي طوال=والرجال الشجيعه حقهاماهضمه
اشرب اشرب من العد القراح الزلال= قبل لاتاتي لكم ليلتن مظلمه

اشرب اشرب من العد القراح الزلال=قبل لاتاتـي لكـم ليلتـن مظلمـه


أكرام الضيف مع التوعد


محمد العطاوي

صح لسانك وبيض الله وجهك يالقرم

وصح لسان الزهراني

واصلو وحنا متابعين

تقبلو تحياتي

مشاري الشلاحي

ماوردنا على الجمه بدون الحبال = افهم العلم والا عل ما تفهمه
مقصدك تشتري فله بمية ريال = غير بالله اصح مالحلم الذي تحلمه

ليه عصبت توك ياعريب الخوال=دوبنا مابنينا البيت لاتهدمه
انتبه لاتطيح بوسط جرفن هيال=وانت رجلا تعرف العلم وترجمه

محمد صالح العطاوي ------- محمد الزهراني


انار المنتدى بطاروقكم الجميل دام ابداعكم وتواجدكم

كلمتك ردها فالبال يابن الحلال = مير ماعندكم قاضي ولا محكمه
لا يزيد الكلام ولا يطول الجدال = خلها مبهمه دام انها مبهمه

مشاري الشلاحي / العازمي

صحت ابدانكم

حياكم الله والنور وجودكم معنا

الكلام الردى ماله معانا مجال=لاتشك بزميلك لاولاتظلمه
مشينا ياعميل الخير باقي عدال=وصاحبك رجل فاهم مارتخى محزمه

العازمي صح بدنك
الشلاحي صح بدنك تشرفنا بمروركم

شكرا للاخ العازمي والشلاحي
تشرفنا بوجودكم معنا

انا قدر الوفي في خاطري لا يزال = وان بدالي لزوم ابنتخي وازهمه
انت توهتني مابين جيم سوال = ليش وقفت قبل تكمل الملحمه

صاحبي ياجماعه صار فيه الهبال=وان توفي عسي وال البشر يرحمه
وان لقيت الك دابن منطوى فالظلال=انتبه لاتحط ايديك داخل فمه

انته مره صحيح ومره فيك اختلال = العطاوي غريب وقام يثقل دمه
من شمت بالمريض يجيه شر عضال = ومن يحب النبي ما يتبع مسيلمه

بيض الله وجهك يامحمد واعذرني كان جا مني خطى
شاعر ولافيك حيله

وجهك ابيض يالعطاوي وصح لسانك

وما جا منك قصور وانا اخوك الدعوى مزوح

وانا المستفيد من المحاوره مع مثلك وشرواك

صحت الالسن والقلوووب
مبدعين

صح بدنك يالحر النادر