سعود العصيمي أقرب لاهنت (2)

المعذرة ياسعود البارح طلعت للضرورة القصوى :)

واستلم هالطاروق أنت معلم ماينتفوت اللعب معك تشرح صدر الطرف المقابل

وتحفزة على الابداع





انا مايعجبني فأبن عاصم سعود الا الوسام = الطرقي اللي فالبلد عزاّمته وسّامته
العام فوق شعيل مردوم السنام أيسر سنام = جيته وأخذت الثوب من فوقه وأخذت عمامته

ماحصل قصور يامحمد بس اني ابطيت انتظرك : -

استلم وانا بتواجد بعد 12


انا اهلي ووسامي بفعلي ومثلك مايلام = وانا ضربت بسيفي محمد وطاحت قامته

وانا اعرف انك سارقٍ للمخ من صلب العظام = واللي يذم اللي سواتك كل ربعه لامته

أن كان عندك سيف حده مع بني هاجر ويام = ماانت الغشيم اللي على راسه تقوم قيامته
وانا أعرف أن الشك مايدخل رفيعين المقام = أليا متى وانت الجهل تفـــتر في دوامته

البرق من منشاه يبرق مايغطيه العسام = والناس مايجلب عليهم من ردي ماسامته
انا معلم مايعلم وانت تدري والهمام = واللي يبل الراس للامواس ذاق احجامته

عليك وصف من الصقور وفيك طبع من النعام = كل الغنايم قسمت في ليل عينك نامته
ياشاعر عتيبة مدام النور جلاي الظلام = العالم اللي فيك تمدح نصف عد الشامته

وانته طبوعك والوصوف مطابقه طبع الحمام=لاتحسب إن الفعل الاصبح معتلٍ في هامته

دايم عزيز الصيت محسودٍ من الناس الخمام=حنا هل الفعل المشرف والعدو لطامته

انا مالومك لو تلخبط يالعصيمي فالكلام = ابو شنب مشتالك البارح على دعامته
ماهي بزودة لو صبغت الثوب بعروق البشام = البيت عارف من بناه وعارفً هدامته

تبا الصراحه مامعك شرب قراح ولا طعام = وانا غني عن واحدٍ في عرض خده شامته

لكن اخذها مسك يامحمد قبل مسك الختام = من شاعرٍ يخصم خصيمه مالقى خصامته

تبا الصراحة مامعك سيفٍ حديد ولاحزام = كشافك اللي في يديك ليتك تغيّر مامته
والله يالولا حكمة أن (( الضرب فالميت حرام ))= لاأفرمك فرم ... السادي اللي حط في فرامته

الختام من عندك ياسعود

هههههه

استلم الله يبلش عدوووك:



انكان ناسي ماذكرنا قبل عام ونص عام = معاد باقي غير حلقك نبشمه ببشامته

والله يالولا حكمة ان (( الطق فكاك اللحام)) = انك ماتسري غير حلقك والخشم ببلامته

محمد المنصوري


صح لسااانك وبيض الله وجهك.

وشكرآ لك على اخلاقك العاليه،،


صكيتوا علي كلكم مره وحدة


معاد ادري من ارد عليه,

هههههه


على العموم.


تحيااااتي لك وتصبح على خير.