حبيبتي من دونها السيف مسلول *** بنت الشرف نسل الأصول العريقه

بسم الله الرحمن الرحيم

قصيده اعجبتني لفيصل بن خلف بن هذال


جتني تقول ودمعها يسبــق القـــول **** حان الفراق وكـل حي لطريـقه

غير الفراق ارجوك ما عنــدي حــلول **** قدر صوابي والظـروف الدقـيقة

ارجوك ساعدني ترى الفكر مشلول **** لولا غلاك اخفيت عنك الحقيقه

وغيب واترك سر فرقاي مجهول **** واصبر على الهجران لو هو حريقه

هنا وقفت بموقف الحزن مذهول **** وصرخت صرخه وسط جوفي عميقه

وسئلتها والرمش بالدمع مبلول **** والحزن يخنقني وروحي شفيقه

قلت الفراق يطول قالت على طول **** اصبر وقلت الصبر محد يطيقه

احد يعرفك يا اتلع الجيد والطول **** ويفارقك يم الوصوف الرقيقه

وقامت توصيني على الحب وتقول **** في ذمتك كل العهود الوثيقه

وتقول لا تنسى غرامي وانا اقول **** ينساني الله لو نسيتك دقيقه

وراحت وصار القلب بالحزن مأهول **** والجرح ينزف والنواضر غريقه

حبيبتي من دونها السيف مسلول **** بنت الشرف نسل الاصول العريقه

حبيبتي في شوفها الجهد مبذول **** وبنلتقي رغم الضروف المعيقه

صح الله لسان قايلها ... و لآ هنت يالحميدي على هالذآئقة الراائـعـة

تقبل تحيتي ،،

مرورك اروع يا بن عايش ..لاهنت

بسم الله الرحمن الرحيم

حبيبتي من دونها السيف مسلول **** بنت الشرف نسل الاصول العريقه



صح لسان وبيض الله وجهك

شرفني مرورك يا طراد الخيل

صح لسان ابو هذال

ولاهنت يالغالي على النقل الجميل ..

تحيتي
..