محاورة بن جدلان وسعيد بن رحمه

بن جدلان
يا مرحبا في سوق غالي ما يجيه الا زبون ** ذا الليل با سحًب حطب بعض القدور الطافره
نبغى علوم اصحابنا اللي بالمعاهد يدرسون ** ما يطلعون الا نهار السبت عند الصافره
بن رحمه
دام البقا والصاحب الطيب على الطيب يمون ** والله يبارك بالمعرفه والحظوظ الوافره
ياسعد بن جدلان تسمع والخلايق يسمعون ** ترى القلوب المسلمه غير القلوب الكافره
بن جدلان
احد ن على فرش الكرامه ياكلون ويشربون ** واحدن على متن السفينه كل يوم مسافره
الله لامنه مدهم بالخير يملون الصحون ** ومرن على الحق الكبير يضيرون النافره
بن رحمه
ترى التجر معهم ذهب وانتم عرب تستاهلون ** والله يبارك في الحصان اللي يوقي حافره
انته من البارح على اصحابك تحمر بالعيون ** والطيب والتقدير من حق الوجيه السافره
بن جدلان
مدري تبينا نقتنع منا وربعك يقنعون ** والا تبي لا جيت في الظفره تجيك الظافره
انته تبي شي ٍ يغنيه الصفوف ويضحكون ** والا تبي شي ٍ يجيك الصبح وانت تعافره
بن رحمه
ياليت حنا ما نشوفك غير وسط التلفزون ** لنك سواليفك تطفر ناس ماهي طافره
ان كان ما عندك علوم رجال هونها تهون ** حنا نصيد الصيد فاطراف الديار القافره

مشكووووووووووور وما قصرت

ياذيب الله يعطيك العافيع