فايز سرحان اذا وقتك يسمح...

فايز سرحان اذا وقتك يسمح...




ياسلام الله سلام معطرينه بالتحايا=للثبيتي فايز المذكور مهدينه هديه
انت يافايز ولد سرحان اشوفك فـ الزوايا=ماشبعت من العصيب ولا شربت الشاذليه

الله
الله
ياراع البيرق
نــــنــتـــظــر

فايز سرحان

مرحبا ترحيبة ٍ تكشف خبيثين النوايا = فالسلوم وفالعلوم وفالحروف الابجديه
خابرين اللي كماك ايطيح فدروب المطايا = لو تصيد الصقر صيد البوم مايصعب عليه "

........؟




البقا فيك انت ياللي شفت وجهك فى المرايا=يوم شفتك قلت هذا الشخص مجهول الهويه
المطايا سقتها والله عطانيها عطايا=بعد صدنا الصقر صيدك لك ترى ماهوب ليه

اهلا وسهلا يافهدالشبير حيااااااااك

للثبيتي فايـز المذكـور مهدينـه هديـه


خابرين اللي كماك ايطيح فدروب المطايـا


البقا فيك انت ياللي شفت وجهك فى المرايا


انا في وجه الله وش هالمصافق ههههههههههههه

صحت السنتكــــــــــــــــــــــــــــــــــــــــــــ ــــــــــــــــم

صح بدنك يالنشمي

لا ماهوب مصافق هاذي وانا اخوك مداعبه ههههههه

تسلم تسلم يالنشمي

الله الله .. في صفك ياراع البيرق وفالك البيرق
والمجرم المذكور اعلاه يدبر حاله
صحت السنتكم

اقنع بما جاك لا تقعد تنوح امع الولايا = السوالف للعوارف عين ذيب وسم حيه
ان ضميت اشرب على هونك من سهوم المنايا = مانت كفو الصقر ولا البوم عانه في يديه

فهد الشبير .. ارحب وحياك "

النشمي حياك الله يالعوووود

صيدك سمين لكن تراك ناسي ٍ الاهم !!! هه:):confused:

سعد العصيمي


ارحب ارحب ياسعد افااااا هذي تاليتها:)

يالبعير شعيل مالك لاضروس ولاثنايا=ماتعدا السيل غرب وشرق تبرك فى الحويه
مار لايجذب رغاك القوم من ضربت عصايا=الله اللي حطني راعي مكلف بالرعيه

انت لو انك تغير فالطبوع وفالحلايا = مانت ماخذ من طرفنا لا كثير ولاشويه
الذياب اليا سرت بالليل مابتت طوايا = جيت في عيد رمضان ورحت في عيد الضحيه !!

ويش ادور من وراكم لافعول ولا حمايا=جحر ضب وفوق جحر الضب نمله فارسيه
مشكلتك بمخك اللي تالفه فيه الخلايا=كل ماصاح المصيح تدرق سد الحنيه

صح السانك ياسعد العصيمي والصف يزهابك

ايه اتركه يكفيه النشمي ...

خلك فى الصف وازهل الباقي

اخذ من قدامنا فعل ٍ يسرك والرزايا = ما تعود يمنا وقلوبكم منا نديه
لا تلف ولا تدور وكل قلب ٍ له بقايا = وانت اضنك من بقايا قلب حمال الاسيه

الله الله


ابداع ياشعارنا الاكارم


صحت السنتكم والله

صح السانك يافايز

ومشكور على تلبية الدعوه وافي يالوافي

والدعوى مزوح وسامحنا:)

تصبح على خير




يالجنوبي روح من فيفا ليا سبت العلايا=لابسين الجوخ لاتلقاك في نجد العذيه
وبك حنا اللي ليا قمنا لها قمنا طنايا=مانشدنا لو قيس يموت لجل العامريه

الله الله


ابداع ياشعارنا الاكارم


صحت السنتكم والله

هلا وغلا ياراع البيرق

والله لو ما قوة ابياتك مارديت علاك << :) عنده حساسيه من الاسماء المستعارة !!


"

الوكاد ان الدوا ماهو على قد الكوايا = ماتعديها الوجيه البينه غير الخفيه !!
وحده فوق الجبين ووحده تحت الحنايا = مالحقنا شك فيك من العصور الجاهليه !!

ابو طلال حياك الله وصح بدنك لاعدمت مرورك "

معجب العتيبي



هلا وغلا صح بدنك "

العازمي

صح بدنك

معجب

صح بدنك

الله الله


طاروق في قمة الروعه




صح لسانك يا راع البيرق



صح لسانك يابو ريان

صح بدنك ياعلى

الروعه في مرورك

لاهنت

الله يعطيكم العافيه ما قصرتوا

ارق التحايا

هذا و الله مزح الصعايدة صدق هههههههه

ما خليتوا شي عن بعض


هههه

ابن عموووو

صح لسانك و اعتلا شانك

فالك التوفيق





___________


راع البيرق

تستاهل البيرق و الله

صح لسانك