قصيدة الشاعر \ احمد بن غازي بن عبيد الشيباني في الشيخ \ فنجال بن سلطان الشيباني

السلام عليكم ورحمة الله وبركاته هذه القصيده في الشيخ فنجال بن سلطان الشيباني من كلمات الشاعر \ احمد بن غازي الشيباني .....

سلام يا لابتي حماية الهيه حماية القاله ان شبت شبايبها

يا اهل الكرم والشجاعه والشهاميه يا اهل سيوف(ن) عطيبات(ن) مضاربها

روس(ن) تقادح صطر ماهيب عاديه ان جا نهار اللقا وهبت هبايــبهــا

سقنا المغاتير والعزوه عتيبيه العزوه اللي تنومس من يصاحبها

امنول(ن) بالرهاف الحدب محميه من دونها عزوة(ن) تفتل شواربها

واليوم في ظل حكام السعـوديـه املوكنا اللي ليا صكت مصايبها

والنخبه النا ومن عامين رسميه نكسبها الطيب والطالات نكسبها

فنجال جاكم بذود(ن) ماوجد زيه منقية(ن) فالمزاين وين غالبها

منقية(ن) فارقه عن كل منقيه الندر اللي عريبات(ن) مناسبها

اللون مثل البرد بارض(ن) خلاويه من مزنة(ن) سبلة وارخت ذوايبها

نوادر(ن) بالحلا والزين ممليه غزايز(ن) نرجي الله ما يخيبها

ارقابها من اللحم جرد(ن) رهاويه وخدودها اعراض وطوال(ن) مشاربها

ونحورها وساع وجروم(ن) جنونيه وروس(ن) وصوف المراكي به تناسبها

وغوارب(ن) مرق وظهور(ن) جماليه وصوفها هايله تزها جنايبــهـا

ماتفرق اوصافها هاذي وهاذيه لينن فنجال بن سلطان بندبها

مادام ابو خالد امعزم وله جيـه يا اللي تبا الاوله منته بجايبها

جتكم بكار(ن) لها النخبه سنويه لا تامنون الخطر لاحد(ن) يناشبها

ويا اهل المغاتير كل(ن) يحتما الهيه ممنون فنجال لا جاك بغرايبها

راع الكرم والوفا كفه نداويه قولة نعم معرب الجدين فازبها

ما قلت فيها القصايد شبه جبريه شاعر مواقيف والوقفه ما غيبها