يبـــلاك من بيـن المخـاليق مقرود = بالكلمـه اللي تـرجمتها غليظه !!

صبــاح الخير .... اتمنـى تنال على اعجـابكم


الطب فأكثر مرضى الأجساد موجود = ويا صعب / طب أهل القلوب المريضه !!
أهل النوايا السود / و وجيها سود = ماهي على ما قدّر الله حضيضه !!
يبلاك من بين المخاليق وقرود = بالكلمه اللي ترجمتها غليظه !!
قصده ورا منطوقها يبحث سدود = طبعٍ لقيته في النفوس البغيظه !!
إخذ الكلام ولا تحريت مردود = سدك لايسهل للخلايق قضيضه !!
من باح سده للبشر / لو غدا عود = يصعب عليه اللي غداله يعيظه !!
أمرار لا رديت يلحقك منقود = وأمرار تطويف السوالف غميظه !!
خلك سوات [ السيف بالحق مجرود ] = السيف يكفي عن فعوله وميضه !!
لا تتبع اللي كنه الغصن لنـود = يوم يتمايل والهبايب تهيضه !!
إثقل ولا فالجاهل وذبحته فود = ( صمتك وتهميش السفاسف ) تغيضه !!
حرصك على [ الأخلاق والطيب والجود ] = عنوان حرصك ملزمات الفريضه !!
الروح ترقا / والجسد مقسم الدود = مرتع حشاش الارض وفروخ بيضه !!
دام المجادل ينقص الرجل ما يزود = إعرض ونحّرها الفجوج العريضه !!
سمعتك مقترنه مع الاسم يا سعود = مثل إقتران اسمك برقم الحفيظه !!
ما احدٍ مع الايام بالعرف مولود = وقتك / تجاريبه / تبيّن خضيضه !!

زياد المزرمي

خلك سوات [ السيف بالحـق مجـرود ]
السيف يكفي عـن فعولـه وميضـه !!

الله الله يابوصالح
تسلم على هذه القصيدة الرائعة

إثــــقـــــل ولا فــالــجــاهـــل وذبـــحـــتـــه فــــــــــود
( صمتك وتهميش السفاسف ) تغيضه !!

صح الله لسانكـ ، ولكن ماسبب تقويسك للكلمات في البيت أعلاهـ ، إذا مقتبسها من بيت آخر ، نبي تكتبه لنا الله لايهينك ، وإسمح لي على هذا الفضول :)

صح لسانك يالمزرمي



قصيده وعظيه رائعه




تقبل اعجابي

خلك سوات [ السيف بالحـق مجـرود ]
السيف يكفي عـن فعولـه وميضـه !!

الله الله يابوصالح
تسلم على هذه القصيدة الرائعة


عجاب الدغيلبي

صح بدنك يابو سعد

والرائع مرورك وتشريفك

خالص الشكر

صح لسانك


يازياد رغم انها قافية اسمي

الا اني لم اكتب عليها



تحياتي وتقديري واعجابي

صح لسانك مليون يازياد


سجل اعجابي


تحياتي لك

إثــــقـــــل ولا فــالــجــاهـــل وذبـــحـــتـــه فــــــــــود
( صمتك وتهميش السفاسف ) تغيضه !!

صح الله لسانكـ ، ولكن ماسبب تقويسك للكلمات في البيت أعلاهـ ، إذا مقتبسها من بيت آخر ، نبي تكتبه لنا الله لايهينك ، وإسمح لي على هذا الفضول :)


صح بدنك ياعبدالمجيد

وبالنسبه للاقواس فقط للحصر ومن باب زخرفة النص لا اكثر ولا اقل

خالص الشكر

الله الله هذا هو الابداااااع بعمنى الكلمه

صح الله السانك يازياد حتى ترضى

دام المـجـادل ينـقـص الـرجـل مـــا يـــزود**إعــرض ونحّـرهـا الفـجـوج العريـضـه !!
سمعـتـك مقتـرنـه مــع الاســم يــا سـعــود**مـثـل إقـتـران اسـمـك بـرقـم الحفـيـظـه !!