( أنت العقاب ) قصيدة مهداه للشيخ / سعود بن عبد المحسن التوم

بسم الله الرحمن الرحيم

قصيدة الشاعر عوض بن خصيوي المهيثلي الحافي

أتشرف بإهداء هذه القصيدة إلى الشيخ / سعود بن عبد المحسن التوم , , تعبيراً عما يكنه أحد أبناء القبيلة ,


أختـار مـن حـر الطواريــق البـكــار .... الـلـي يـنـومـس لابـتــي طـاروقـهـا

ولـي الفخـر بالمجـد وقـت الأفتخـار .... شمـس ٍ يسـر الناظريـن إشروقهـا

إليـا بـدأ بالنـور مـع شمـس النـهـار .... تغيـب مـا أوفيـت الجـدود إحقوقـهـا

يـا لابتـي يــوم اللقـاء فـوق المهـار .... كم طلّقوا مـن جـادل ٍ عـن شوقهـا

يا لابتي يا أهل الكـرم وأهـل الوقـار .... أصدق من إغـداق المزون إصـدوقـهـا

يا لابتـي زبـن الجنــاه وريــف جــار .... يــا عـزوة ٍ عــن غـيرهــا بـفـروقــهـا

والشـيـخ راع الـطايـلـه حـر ٍ يــغـار .... قـدم الـجـبـال النـايـفـه شاهـوقـهـا

مـا للكبــار مـن الامــور ألاّ الكـبـار .... يا سـعود يـا ضـد الخـصـوم وعوقـهـا

إليا إرتخـت للبـرقعـه روس الـحـرار .... أنـت العقـاب اللـي شهـر مـن فوقهـا

لك من ذلول المجد يـا سعود الفقار .... وبيضـا ً عـلـى روس الجـبال أوثوقـهـا


وتقبلو تحياتي

يستاهل وبيض الله وجهك وصح لسانك تحياتي واحترامي

ابن نافه العطاوي



ابن نافه يبا ينجي دخيلـــــــه
بشلفا توصل الدم اللهـــــــــات

ونعم فالمادح والممدوح

اشكرك ع مرورك العطر وتقبل تحياتي

صح لساااااااااااااانك ونعم في التوم في عتيبه كلها

سعد بن مطلق المقاطي

صح بدنك والف شكر على مرورك المشرف

يستاهل كفو

نجم شامي

تحياتي لك ع مرورك

والله ونعم في التوم وفي ربعنا الحفاه


صح لسانك


تحيتي

فهيد الايدا المورقي


اشكرك ع المرور الذي زادني شرفاً