العام بذّيتنا بالهرج ياغاوي وهرّاج

اللاله اللاله المعنى تحت غبّات الامواج=والشاعر الي يغوص البحر يقلط مرحبابه!!
العام بذّيتنا بالهرج ياغاوي وهرّاج=واليوم اظن البقا والموت في قلبك تشابه!!

السلام عليكم واستلم



اللاله اللاله المعنى على مبدا ومنهاج=والذيب لاجر صوته تسمعه كل الذيابه
العام واللي قبل واللي بعد ماعاد يحتاج=كل على مايقدم فالزمن يلقى حسابه

صحت السنتكم جميع


تحيتي

الاخ فهيد صح بدنك
يشرفنا تواجدك

عليك السلام نورت المكان


الضامي الي ورد واروى العطش من عد هداج=فيه الوفا والمدوح تليق في حضرة جنابه!!
اليوم من دونه اطوال الحصون وصلب الاسياج=من ذمّنا يا وسيع المعرفه لا وعذابه!!

فهيد المورقي


صح بدنك
تشرفنا بوجودك هنا

بوجودك يالطيب


الضيف يبشر بكيف وزعفران وفلة احجاج=وان كان قدم سوال يجيه مضمون الاجابه
وبعض المرض لو يطول الوقت ماله طب وعلاج=والناس يقلون منهو طاوله سقمه غدابه

للكيف شرّاب يامخلد وللحجّات فلاج=يوم المعزب يسوق الكيف ويقنّد شرابه!!
السايق الي مع الدّوار اخذ لفه ومخراج=الله يرده على السكه ولا يفقد صوابه!!

المشكله فالمنجم مادرس في علم الابراج=بانت علومه بعد ماكان ريس للعصابه
لكن ابااعطيك علم مختصر منعا للاحراج=حل القضيه مع الاقصين ولاللقرابه

يالله عليك العوض يالله يارازق وفراج=السوق ما عوض التاجر ولا وفر حسابه!!
لا زالت ام الحوير في ولدها تخلج اخلاج=والراعي ايهجّها في صحصحن ما ينعدابه!!





اخوي مخلد مسك الختام من عندك
صح لسانك واشكر لك حسن المجاراه وتصبح على خير

اللي يبي يصير تاجر صار متدين ومحتاج=دكان ابوزيد بعد اليوم كيف يفك بابه
ياعبيد خل الدفاتروالقلم في جوف الادراج=وكل على الناس في وقت الطلب يقرا كتابه

عبيد تصبح على خير وتشرفت باللعب معك