خلووووووووووووووووووووووها

ياسلام الله على السلطان من بد الاسامي
بعد ماجا واعترض لي صادني جعله يصادي
بارك الله فالرجال اللي لفونا فالظلامي
كنهم ليل ادهما والحر مثل اللنجم بادي

صح لسانك يابوعبدالرحمن

مرحبا واهلين مني ياعزيزين المقامي=وبارك الله فالرجال اللي على الجزله تنادي
تتبع الضيفان مانته بينهم جيعان ضامي=بعد مامديت لك بابو لهب سمني وزادي

الضيعيفه من يدور من عصيعصها يدامي
بعد مامصيتها واعيالها مثل الجرادي
ماطمع فيها قريب ولاطمع فيها حرامي
واعترشها قوم صفو حولها مثل الحنادي

لو درا عنك المعزب كان سماك الهلامي=بعد زاده كيف تسري مع سعود ومع عبادي
احسبنك بعد زاد اصحابنا ترجع تنامي=فعلتك شينه ولحقوق العرب بكره تقادي

احمد الله بندقي مزهب وصفري من حزامي
ماتعدا في حقوقي واصبعي فوق الزنادي
ماسك حدودي ولا خالفت في حق النضامي
مير من كثر الدسم رحت اشتري علبة زبادي

بعد قشيت اللحم بالناب من فوق العظامي=قمت تتبلش من النعمه وتسرج فالجوادي
ياعتيبه ولدكم ودوه للشيخ الزلامي=مالقينا له طبيب يعالج البطن البجادي

البحر ياصاحبي ماشال معلوق العرامي
والتهب ضرسي وسروني على الدكتور هادي
ياعتيبه من يقدم شاه للحر العصامي
ولدكم سلطان يعزم واحترق واحرق زنادي

ياعميلي وش تسوي بعد ماظهرت السنامي=والهدف واضح كما روس الفطايف والعرادي
جمل الله حال من صلا فروضه ثم صامي=والا انا مع ربي المعبود سري واعتمادي

وينكم ياشعارنا ترو المقصد عشان نشجعكم

صح بدنك وبيض الله وجهك
وصح لسانك