نبيك تونس حلوها من نـــكدها !!!

ياعلي خل العيد لأم الدناديـش =اللي تنظف كل يـــــوم جسدها
تبغي تماري ناقضات العكاريـش =في كل ملفاح تنقض جعـــــدها
العيد عيدالله ولو فات حتـــيش =من حسبة ايام يمــــرك عددها
نبي نعلمك المساري على الجيش =تمشي ذلولك لين يفتر جهــدها
خابرك مانتب ضاري للمــطاريش =نبيك تونس حلوها من نـــكدها
ليله على مسرى وليله مغابـيش =وليله نخلي نومها لمن رقــدها
وليله على تمره وليله على عيش =وليله نوكلك اللحم صيد يـــدها
ياعلي لاجيت العرب لاتـــجي تيش =خبل ليا جاب السوالف ســــردها
إحفظ لسانك لا يجي فيه تبــطيش =تصبح عيونك كايدات رمــــــدها
يجيك من يـــنشدك نشدة تكديش =يبي يســـــــنع هرجة يعتمدها
خله يقوم مفلت في يده ريش =يروح منك وحاجته ما وجدها
ترى دعابيل الخبول الفوانيش =تبدي بما فيها ولا احد نشدها
يجيك واحدهم يورش توريش =سحابته يسبق مطرها بردها
واللي لغمقات السوالف مناقيش =قراية الكلمة على اول عددها
تجي سوالفهم ضحك وتبهيش =وقلوبهم ما احد يفكك اعقدها

للشاعر الكبير : صقر النصافي .

صح السانك وبيض الله وجهك

وتقبل تحياتي

صح السانك وبيض الله وجهك


لاهنت غلى النقل


وصح لسان قايلها

صح السانك وسلم بنانك يالنويري
على هالقصيده الرائعه



ياعلي لاجيت العرب لاتجي تيش
خبل ليا جاب السوالف سردهـا
إحفظ لسانك لا يجي فيه تبطيش
تصبح عيونك كايـدات رمدهـا
يجيك من ينشدك نشدة تكديـش
يبـي يسنـع هرجـة يعتمدهـا
خله يقوم مفلت في يـده ريـش
يروح منك وحاجته ما وجدهـا
ترى دعابيل الخبول الفوانيـش
تبدي بما فيها ولا احـد نشدهـا

رحم الله الشاعر صقر النصافي

قصيدة رائعه

لاهنت ياالنويري

صح السانك وبيض الله وجهك



ولاهنت يالغالي


تحياااااااااااااااااااااااااااااااتي