ًًًًٌٌٌٌٌٌٌٌٌٌٌٌٌٌٌٌقصيدة بمناسبة المولودة الجديدة {الجوزاء}

من أبو جوزاء العواد إلى شيخ قبيلة العواد .

--------------------------------------------------------------------------------

هذه القصيدة من الشاعر أبو جوزاء /غالب بن صنهات العواد إلى شيخ قبيلة العواد الشيخ/ضيف الله بن صنهات العواد وإليكم هذه القصيدة .
1. ياشيخ أنا جالي بنيه وسميت ::: سميتها ياشيخ والإسم جوزا
2. إسم على التمياط قوم نعاتيت ::: من شمر ماهيب بنت العنوزا
3. جوزاء تنزل روس كل الطواغيت ::: الساس طيب والخصر تقل موزا
4. عرضت علي أسماء كثيرة وعييت ::: جوري ومعها لاعب اسمه كلوزا
5. أشوم ألني ماني برجل فالبيت ::: بعض الأسامي بيننا ماتجوزا
6. والجد عمي طيب القلب والصيت ::: على النعم لأطروه دايم يحوزا
7. لاشفت زوله قمت له واستعديت ::: رجال لازم ثابت مايبوزا
8. ماهو من اللي يخلط الماء مع الزيت ::: درزي رجولة من كبار الدروزا
9. يالطرقي اللي باقي ماتعشيت ::: قص الهرافي مثل قص الفيوزا
10. أكرم منه ماشفت حتى ولا أوحيت ::: ياجعل راسه ماتجيه الغروزا
11. بنتي وأنا اللي لاحشى ماتوانيت ::: لو الدهر يباضميري يهوزا
12. أفرح ليا جاء الضيف وأقول حييت ::: وأسد من جاني ولاحقه عوزا

13. وليا ذكرت أبوي ياشيخ ونيت ::: ونت صويب طول عمره ينوزا
14. لانيب أنا حي ولانيب أنا ميت ::: إليا ذكرت أبوي يالبنت جوزا
15. يالله ياللي خالق الكون وأن شيت ::: أبوي بالفردوس عله يفوزا
16. وأن كان يوم عن اللوازم تخليت ::: فمي من التربان ياشيخ كوزا
من أبو جوزاء الشاعر/غالب بن صنهات العواد الذيابي .