اصحابنا قحطان وضيوفنا نكرم لحاها

مرحبا باسم الهيلا مشرفين واعضاء بالشاعر الكبير عايض الحبابي


ارررحب يابو علي واستلم




يامرحبا بأصحابنا اللي لهم واجب وتقدير= اصحابنا قحطان و ضيوفنا نكرم لحاها
الله يوفقني طريق الهدى والعز والخير =من مبتدى الرحله معك لين تاصل منتهاها

يامرحبا بأصحابنا اللي لهم واجب وتقدير
اصحابنا قحطان و ضيوفنا نكـرم لحاهـا
...
صح لسانك يامشرفنا الغالي
والله يحيي ابو علي ..
شرف محله واخوانه..
....

صح لسانك يالفالح .. ويامرحبا بالشاعر عايض الحبابي ..وصح لسانه مقدماً

ومتابع

هلا وغلا


يابومحمد



نورت الصفحه

نواف العصيمي


حياك يابن العم




وبيض الله وجهك

الله الله ...يابو فلاح كلام كبير

صح لسانك



وفي انتظار الحبابي

السلام عليكم جميعا ...

مسااكم الله بالخير ...

الله يبقيك يابو فلاح ... ويشرفني أتواجد معكم ..




دام البقا وأنتم كفو ماتحسبون المخاسير = سلّم على ربعك جميعا ويسعد لي مساها !

الله وأعلم ياصحيبي عن إطوال المشاوير = بعض الدروب طوال وآخاف ماتحلق مداها !!

مرزوق العتيبي
نواف العصيمي
{ سلطان الجذع }

الله يبقيكم جميعا ...
ولاهنتوا على حضوركم المبكر :)

ولايفوتكم خالد العتيبي على الساحة <=== حماس بلا حدود :)

تحيتي

يا اهل الحصاه اللي تقول انّها قطعه من النير =العام كنتو دونها كيف صرتوا من وراها
ما حاصلٍ من يمّنا يا طويل العمر تقصير=لكن شدّ الحيل والمعركه دارت رحاها

..

الفالح

..

صح لسانك يالذيب

وصح لسان عايض ومرحبابه


واصلوووووووا متابعين


..

اليوم في حكم السعودية تسوق التباشير = والعام في حكم القحاطين سلّم لي علااااااااااها !!

في خاطرك علّة قديمة ...ولكن خير ياطير != تبطي عظم .. وتطوف الأقطار ماتلقى دواها ..

اليوم والعام السعد فالنا ما فالنا غير =حجتك هذي بلّها زين واشربها بماها
مالي وراك ذهيب ننصاك يا عايض مداوير=انفوسنا والحمدلله مدركتن هواها

الفالح وعايض



غصب نتابع

واصلوا يامبدعين


-

كم واحدٍ عاند مطانيخ قحــْطان المناعير = حاول يقاومنا ومن بين حجّانه كلاااها !

أنا ثلاث أعوام أحاول معك ياصاحبي .... ميــر ! = منهجك بااايت والمعاني على خبري كماااها !!

...
.
أنا ثلاث أعوام أحاول معك ياصاحبي .... مير !
منهجك بااايت والمعاني على خبري كماااهـا !!




ايه يابو علي .... لاوصيك :)

...

ناصرالمرشدي

مرحبا بك ولنا الشرف بمتابعتك ..

_________
أبو محمد لاخلا ولاعدم ....:)

انتم ونعم وجوكم عتيبه الهيلا طوابير=مثل الصقور اللي مخاليبها تطرح عشاها
هذي ثلاث سنين افهّمك وانته ماش تفكير=ترى معانينا جزال و رفيعٍ مستواها

أحيان أشوفك مثل جساس مدري سالم الزير = من كثر ماتمدح وتفرح كذا على عماها !!

إبلوف جيب البدو ياصحابنا تحتاج تغيير = من كثر مايمشي ..كذا ... من خلاها في خلاها !

أبو فلاح ... بيض الله وجهك ودائما تعلم أن أكون سعيد باللعب معك :)

لاهنت ولاهانوا الربع اللي شاركونا في هالطاروق الخفيف :)

لنا لقاءات أخرى ...والختام عندك ...

تصبحون على خير

عايض الحبابي ارحب يابن العم

ولله درك على هذا الابداع

وتشرفنا بتواجدك ..


___

الفالح صح الله لسانك يامبدع ودائما طواريقك جزله


للامانه استمتعت بهذا الابداع

الشاعر الكبير عايض الحبابي



الشرف لي طال عمرك وصح لسانك وانت اللعب معك فايده طال عمرك



تحياتي لكل المشاركين اللي شاركونا هالمحاوره




اخوكم الفالح