(أقلامنا عنّت من هايل ماخطّت والحبر في بيض الورق ملتوي بها) هلالية ابتهالية(جديد)

السلام عليكم
أُ هدي لكم هذه القصيدة
بعدما رأت عيني ماهال في نفسي
وأضرم فؤادي
من حال للناس متردّي
وشرٍ للخير متصدّي
لكن الخير لازال موجود
والرب لازال معبود
والخير لازال محمود
والشر -بإذن الله- بابه مسدود

إليكم يالنشامى


ذا قول من ناشِه لواذع لهيبها= وألهب فواده علة(ن) مادري بْها
متثاقل(ن)بالهم والهم عافِهْ= مستغلق(ن)بدواه حاذق طبيبها
تْزين الليالي تستخيل بْتعالي= ماعمْرَها ناخت لحظّ إلتوي بْها
يالله يالمعبود ياسامع الدّعا= ياسامع النملهْ بهامس دبيبها
تغفر لعبد(ن)قد ترجّى لعفوك=وبارك قْسوم(ن)نِتَف مرتضي بْها
وسايلك يالمولى بْغيث(ن) مجلجل=تطرق به الشّعبان يثغي صبيبها
وْيشبّ وجه القاع من بعد شيبته=يضيع من وصّف يقول عهدي بْها
عهدي بها بلقع وللموت منقع=واليوم جنّات(ن) تناثر عجيبها
مايحْبَس المطر سوى بْشرّ البِشَر= لاسْتغلِثَت بالكذب وسموم عيبها
وبظلم(ن) مع الخلايق ياكل وْيشرب=لوتفصِد عروق(ن)بتشوفه سقي بْها
اطفّف المكيال وتبخس وْزونها= ودبّل الكذبه بحلف يْهوي بها
يهفّها للقاع يمنى تغمس بها = في حادر سقرها بْسوافل لهيبها
ياكم كريم(ن) من سبايب فعولهم= مْعاقب(ن) بديون بلوى دهيْ بها
تستدرِجِهْ للشّرْك تومي بْطِعْم(ن)=والعبد محتاج(ن)فْحَال(ن)شِقِي بْها
وافعولهُم لقْريب ماسرع ذبولها=وافعولهم لبْعِيد ماخْضَر عشيبْها
أقلامنا عنّت من هايل ماخطّت =والحبر في بيض الورق ملتوي بْها
والله يلا لا عجايز تهجّد= وْشيب(ن) بْجمعهْ تحرّى مغيبْها
وْميذنَةْ مسجد تعالى نديبها= وْعبد(ن) للايات بْقلبه ندي بْها*
وْطاهر(ن)في المهد مابعد أذنبّ= وْبهايم تْسبّح لَدرّت حليبْها
لكان يغشانا من الرّبّ ساعه= فيها الولايد يسرع الله مشيبْها
مير أحمِد المولى تجلّى وتقدّس=اللّي رَحَم يونس بْدَعْوى(ن) دِعِيْ بها
ياناس عقل الراس وِشْ نبتغي بِه= إلما ذِكَر محشر وْمسعر شبيبْها

* المقصودفي الشطر الأول بقول (نديبها) من النّدْب وهو الأذان،
وفي الشطر الثاني(نِدي بْها) من النَّدى وهو مايجتمع في الصباح على أوراق الأشجار من قطرات الماء.

أخوكم/ عبيد فهيد المسعودي النفيعي العتيبي

صح لسانك ياعبيد
وعساك على القوة طال عمرك
مودتـــــــــــي

صح لسانك ودام ابداعك لنا يالغالي..

بيض الله وجهك ..

..
الله اكبر يابو فهيد ..

صح لسانك مليوون ولا تووافيك حقك ..

تبقى دائما متميز ..

:)


أخوك

كما عهدتك متميز في طرحك
متميز في فكرك متميز في شعرك
صح لسانك ياعزيزي ولله دررك

أخوك

السلام عليكم
الأخ/هلال العتيبي
صح بدانك يالغالي
والله يقويك على الطاعة
تحياتي

الأخ/ عبدالله الجذع
صح لسانك ووجهك أبيض
ودمت للمواضيع متفاعلاً
شكراً يالغالي

الأخ/أبو نجر النفيعي
صح بدانك ملاييييييييييين يالغالي
التميز حضورك وردِّك وتفاعلك
وشكراً

الأخ/زبن الدخيل
شكراً على تفاعلك
والتميّز هو حضورك وردّك
صح بدانك واعتلى شانك

صح لسانك وقصيده رائعه ولاهنت ياغالي


ولك التقدير والإحترام

صح لسانك

مشكور ماقصرت

قصيده رائعه من شخص أروع..

مبدع يا عبيد وسلمت يمناك الي خطت المثايل..

لاتحرمنا من جديدك ولا تطول الغياب عن المنتدى..




بارك الله فيك..

السلام عليكم

الأخ/ نواف العصيمي
صح بدنك يالغالي
ومشكور على التفاعل والمرور
تحياتي ومودتي

الأخ/محب الهيلا
صح بدانك واعتلى شانك
مشكور يالغالي

الأخ/خلف العتيبي
تفاعل رائع من شخص رائع
سالم وغانم ياخلف
ومشكور على التفاعل والمشاركة
وابشر بالخير
والمعذرة عن تأخري عن المنتدى لظروف خارجة عن الإرادة

وسايلـك يالمولـى بْغيـث(ن) مجلـجـل=تــطــرق بــــه الـشّـعـبـان يـثـغــي صـبـيـبـهـا
وْيـشـبّ وجــه الـقــاع مـــن بـعــد شيـبـتـه=يضيـع مــن وصّــف يـقـول عـهـدي بْـهـا

اللهم آمين ، صح الله لسانكـ ، وجزاك الله خير ، وواصل قلم مثل قلمك يشرف , و نفتخر فيه