والــعــلوم الــطــيـبـه فـي كـل لـيـلة ....
احمد الملاح23-Feb-2009, 11:31 PM
يا سلامي عد ما هل الهلالي=عد ما شفنا بني عمي دليله
وسط سوق المعرفه سقت الحلالي=والعلوم الطيبه في كل ليلة
طائر الاشجان23-Feb-2009, 11:44 PM
مرجبا ترحيب غالي وانت غالي = مع بني عمٌك وعرٌاف القبيله
والله ان الطيب باقي مايزالي = دام مرقا الذيب في راس الطويله
احمد الملاح24-Feb-2009, 12:04 AM
جعل من رحب يجي تحت الظلالي=تحت ظل اللي منول سال سيله
طيرنا يا طيرنا وين انت سالي=مع كثير الهرج والا مع قليله
طائر الاشجان24-Feb-2009, 12:10 AM
فيه سمٌ وفيه مرٌ وفيه حالي = دون حالك لاتخلي معك حيله
والله إنا مع كريمين السبالي = والهزيله مالها غير الهزيله
علي خيران العتيبي24-Feb-2009, 12:18 AM
الله الله صحت السنتكم
و واصلو و حنا متابعين و اما هالمره هذي اسمح لي يا طائر الاشجان
انا بصف ولد عمي براقي و ملاحي الرجال
ههههههههه
و وافين كلكم
طائر الاشجان24-Feb-2009, 12:23 AM
هههههههههه
الصف واحد طال عمرك الاهم وجودك الي يشرف الصفين ياعلي
نورت وشرفت اخوي علي
احمد الملاح24-Feb-2009, 12:24 AM
الليالي ما تخيرك ابسؤالي= تعطي اللي وسطها وانته تشيله
والنعم مير البلاء تال الرجالي= وانت وش انت يا كساب الجميله
احمد الملاح24-Feb-2009, 12:26 AM
الله الله صحت السنتكم
و واصلو و حنا متابعين و اما هالمره هذي اسمح لي يا طائر الاشجان
انا بصف ولد عمي براقي و ملاحي الرجال
ههههههههه
و وافين كلكم
هههههه هلا ومرحبا
الصف يهزابك مير انا مقآطي عتيبي
وصح بدنك وحيآآك ربي وزي ما قال اخوي طائر الصف واحد
علي خيران العتيبي24-Feb-2009, 12:35 AM
و نعم و عز الله الصف واحد :)
و واصلو و حنا متابعين سرو الليل يالربع :)
احمد الملاح24-Feb-2009, 12:39 AM
ما عليك زود .....
لك تحياتي وتقديري ....
طائر الاشجان24-Feb-2009, 12:43 AM
يا احمد الملاح ياولد الحلالي = ماقدحنا الزند في راس الفتيله
ماعليكم زود ياصحاب المعالي = العطاوي والمقاطي ياحليله
علي خيران العتيبي24-Feb-2009, 12:54 AM
طيب طيب
الليل الليل يا احمد
احمد الملاح24-Feb-2009, 01:00 AM
والله من اليوم نحدث الصفحه الاولى ما درينا عن هالصفحه هههه
مير استلم ...
ان بغيت انصحك يا طير العلالي=قلت لي ليش الكلام اللي تحيله
يا العطاوي كان ابا شوف العيالي= لازم المترس يجيه اللي يجيله
طائر الاشجان24-Feb-2009, 01:23 AM
يالمقاطي راس مالك راس مالي = انصح الي ورط الهندي كفيله
عن هذاك الدرب قفلنا المجالي = لاتذٌر الملح فالعين الكحيله
احمد الملاح24-Feb-2009, 01:43 AM
النصيحه لازمه يا ذا الموالي=كان في سوقك تعرف المستحيله
ان بغيت اشوف ليله مع ليالي = مير نوم العين ما تقدر تشيله
صح لسااااااانك يا العطاوي والنوم يطرق الباب
الختآم عندك اذا احببت .....
طائر الاشجان24-Feb-2009, 01:51 AM
صح بدنك ختامها مسك من عندك
نووم العوافي وبيض الله وجهك يالمقاطي
علي خيران العتيبي24-Feb-2009, 02:18 AM
يا سلام
محاوره رائعه والله و كان ودي اتكلملون لكن انشالله تتحفونه بالايام القادمه.
صحت السنتكم.
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
