الطآآروقين للشآعر فهد السواجي+فارس الهاجري

فهد السواجي العتيبي
باسم خدام بيت الله ومسجد رسوله = سلامي على ابلاد اخو مريم واهلها
فارس الهاجري يسعى لكاس البطوله = مير انا واقفه له دونها ما يصلها

فارس محمد الهاجري
باسم شيخٍ يعز الضيف ساس الرجوله = مرحبا وانت في خاطرك هرجه وقلها
كان قصدك على البيرق فلنته بحوله = للحمول الثقيله يالعتيبي جملها

فهد السواجي العتيبي
ياهواجر لطيبه خاطره صوتوله - لو بعض المواقف صعب ما يحتملها
ابتلش له بعقده من زمان محلوله = يعرف عتيبه الهيلا ولا احدن جهلها

فارس محمد الهاجري
يالهواجر ترا الرجال بانت فعوله = الجبال الكبيره ما استوت مع سهلها
ياوجوده على ايام الصبا والطفوله = كيف يفعل فعولن ماحدن قد فعلها

فهد السواجي العتيبي
علم الفارس اللي قام يسرج خيوله = ناويٍ طمعتن جاها العتيبي واكلها


******************************************


الطاروق الثاني كانت البدايه عند
فارس محمد الهاجري
مرحبا باسم شيخٍ معه حكمه وذوق = عاشت الملعبه ويعيش جمورها
يافهد وانت شايب لك علينا حقوق = واهل الشيب لحدٍ يجرح شعورها

فهد السواجي العتيبي
البقا باسم شيخن محتمٍ كل سوق = يطرب السابق اللي معتلٍ كورها
ياشباب اطرب الشايب بحسن الطروق = مكملٍ واجب الشبان في دورها

فارس محمد الهاجري
يارعود أرعديله وأبرقي يابروق = لين يحسب سنين الوقت وشهورها
في عيونك قذاه وفوق كفك حروق = علتك يافهد يحتار دكتورها

فهد السواجي العتيبي
كان طاح المطر يالهاجري تا تروق = لين تبرك بك السابق على زورها
في يديني سيوفن يالمغني تشوق = ما نعاين لعمي الناس من عورها

فارس محمد الهاجري
استريحو هنا ياشعب برقا وروق = المكينه عرفنا ندهن سيورها
جيت فوق المطيه طامعن فالغبوق = مدة اسبوع وانحولك من كورها

فهد السواجي العتيبي
كان جيتو وجينا على ظهر السبوق = المكينه تفجر عنك ماطورها


وسلاآآمتكم

ولا تنسوون شآآعركم

يبشر بعزه والله

والله أنه يستاهل وكفو

شاعر مبدع

لاكن كنت أتمنى لو أن التنسيق أفضل من كذا

عموما ً ماقصرت وفاله التوفيق

تغطيه رائعه يالسواجي ..

والشاعر / فهد مفرح ...يستاهل ..والله الموفق..

.........