عندي قضيه عاجله للعرب والوضع حساس

عندي قضيه عاجله للعرب والوضع حساس = وانا مسنّدها خصوصي لبرقا وقوم روقه

فزعات بعض الناس ياسعود تشمل ناس عن ناس = وشلون من يدحم جموع البشر توخذ حقوقه

عقاب صح لسانك شاعر ولا فيك حيله

وان شاء الله مافيه احداً وخذت حقوقه

صح لسانك ولسان سعود مقدماً
وانا متأكد انا على موعد مع الابداع

هلا ومرحبا محمد صح بدنك ولاهنت


لا من ناحيتي اخذت كامل حقوقي ولله الحمد ههههه

لكن تقدر تقول اشغل دور المحاماه عن فئه معينه


تقديري

فزعات بعض الناس ياسعود تشمل ناس عن ناس
وشلون من يدحم جموع البشـر توخـذ حقوقـه

فزعات بعض الناس ياسعود تشمل ناس عن ناس
وشلون من يدحم جموع البشـر توخـذ حقوقـه


فعلا نحن على موعد مع الابداع ..

عقاب العنزي ..صح لسانك ..

وبإنتظار سعود وصح لسانه مقدما ..

...

هايل العتيبي

صح بدنك ولاهنت شرفتنا بحضورك


تقديري

عقاب صح لسانك

وفي انتظار سعود وصح لسانه مقدما


متاااااااااااااااااااااااابع

ابن عاقل

صح بدنك ولاهنت


تقديري

عقاب ماسمعت الي يقول

يدك لامدت وفاء لا تحرى وش تجيب كان جاتك سالمه حب يدك وخشها

نفسي نفسي هههههههههه

هههههههه


الله يستر من تواليها

عندك قضية وانت ياعقاب فيك شعور واحساس=المر منت بعارفه لين حتى انك تذوقه



كان مكلف فالمهمة فاخذ كلمة من الراس =نهج الشريعة عندنا يقطع الكف السروقه

الاخوة الافاضل
شاكر لكم الحضور والتواجد

كان مكلف فالمهمة فاخذ كلمة من الراس
نهج الشريعة عندنا يقطع الكف السروقه

كان مكلف فالمهمة فاخذ كلمة من الراس
نهج الشريعة عندنا يقطع الكف السروقه


الله الله ..ياسعود صح لسانك ..

واصلو ياشعرا.

..

هايل العتيبي
لاهنت يالامير لاهنت

الموضوع يخصكم يابرقا والروقه هههههههه
وجدكم العود متكي على مركاه شوفو اللي وخذت حقوقه وردولي خبر


وشلون من يدحم جموع البشـر توخـذ حقوقـه

واللي يداحم جموع البشر ؟؟؟؟؟؟؟؟

صحت السنتكم
وتقبلو تحيات
العود

لاباس ياسعود النفيعي بعد شالوك لاباس = بكرا تطيح من السما والذهب ينصك سوقه

البيت كان انه مايبنى يابن برقا على ساس = على رويس صويحبه سرع ماينهد فوقه

الله حي العود


لا انت متشطر ماهي يمك الدعوه هههه


شرفتنا وصح بدنك

وانا مسنّدهـا خصوصـي لبرقـا وقـوم روقـه

عقاب لو قلت ؟ وانا مسندها خصوصي على برقا وروقه


---------------------------------------------------------

كان مكلف فالمهمة فاخذ كلمة من الراس

سعود سقط عندك حرف الكاف على معتقد

كانك مكلف فالمهمة فاخذ كلمة من الراس

هلا بالعود للمره الثانيه


كلامك سليم لو اني بوجه الكلام بالتساوي على برقا وروق

لكن انا تعمدت ابدا فبرقا بعدين احط واو العطف ( و) قوم روقه لأن المسأله تخص ثلاثه من برقا

بنك الغنا والربح مايتصل في بنك الافلاس = يالصيرفي لاعاد تصرف .. ورى نفسك زهوقه ؟



راع المطية هب له مع مذر الشمس نسناس= واقفى يدرجها مع الريع والدقن محلوقه

النشمي
ههههههههههههه اهب ياهالعود صاير مدقق لغوي

مساكم الله بالخير ياشعارنا الافاضل

معكم متابع


صحت السنتكم

مساك الله بالعلم الطيب
وحياك ياكايد الاجرب
وابرك الساعات

وسط البلد مريت ياصاحبي طرقي وعساس = ياطول وقت الليل والصبح يامسرع شروقه !!

من قبل عام سعود بين البشر حبر ٍ بقرطاس = واليوم يحصد من نخيله وياكل من عذوقه

كايد الاجرب


مساك الله بالنور وصح بدنك

النشمي
ههههههههههههه اهب ياهالعود صاير مدقق لغوي

اكيد ياسعود انت وعقاب من الشعار المحسوبين ومرشحين للنخبه
مانبغا الملاحظات

نصيحة شايب هههههههههههه

مريت مستعجل وحصلت لك مطعوم ولباس=واخذت لك بشتٍ حساوي مخيطةٍ شقوقة



ماني سواة اللي يغني على دقة ومرواس= واليا بدى لازمه رجله عن اللازم سبوقه

اكيد ياسعود انت وعقاب من الشعار المحسوبين ومرشحين للنخبه
مانبغا الملاحظات

نصيحة شايب هههههههههههه


ههههههه ياعنك انه صحيح
ماعقلها غير شايب

انته تخم العلم ياصاحبي بااخماس واسداس = تعبتني واللي حصل كيف اباخيّط فتوقه

حسبي عليك الله وانا رجل كاسب كل نوماس = ماني سواة اللي خويه مع الطرقه يبوقه !!

يا سلام عليكم



مبدعين وما شاء الله عليكم



ذكرتوني بالطاروق اللي بين صياف الحربي الله يرحمه وابن جرشان




ما دام بن عواد موجود ضلع طويق ممدود =يوجعك لو يطيح فوقك ولو تطيح فوقه



صحت السنتكم مدد بلا عدد


واصلوا


نتابع ونتعلم

خيال الصفراء


صح بدنك وحضورك بلا شك تشريف لنا وللمحاوره


تقديري

صح السنتكم اخوي عقاب وسعود وابداع منكم ومحاوره وزن الثقيل .

صح بدنك احمد الروقي وشرفتنا بحضورك

الله الله


ماودي اضحك من تجاربك ياعباس فرناس=تبا تحلق فالسماء والبلا مافيك طوقه



نعرفك مايحتاج وان عودت شعلة ومقباس= احزم حزامك والوعد بيننا طلحة خنوقة

خيال الصفراء
ارحب ارحب والله يرحم صياف ويطوّل عمر ابن جرشان

احمد منير الروقي
هلا بالطيب الغالي

لأن المسأله تخص ثلاثه من برقا

لا يكون أنا منهم يا عقاب ..

صحت ألسنكم يالثنين ..

انا مع اهل المعرفه والنشاما ماطبخ الفاس = والقوم معطينك جمل وانت ماتقدر تسوقه

الظاهر ان السالفه كلها عبسي وعباس = عباس يطلب صاحبه لين مانشّف عروقه

قادح شرار


ههههههه


لا انت خارج حسابات القضيه

صح بدنك شرفتنا

لاتلحقك شكه ولايدخلك ياعقاب وسواس=عان الخيال اللي تزبّر تكاشف لك بروقه

من عكة الزبد المميّع نشوف الشدق لحاس = ماكنه الا الداب الاسود ليا طرّف شدوقه

صح لسانك ولاهنت ياسعود تمنيت الطاروق يطول اكثر لكن لظرف طارئ استسمحك بالخروج


تقديري

صح بدنك وبيض الله وجهك على كل حال

عندي قضيه عاجله للعـرب والوضـع حسـاس
وانا مسنّدهـا خصوصـي لبرقـا وقـوم روقـه



البيت كان انه مايبنى يابن برقا على ساس
على رويس صويحبه سرع ماينهد فوقـه




الظاهر ان السالفه كلها عبسي وعبـاس
عباس يطلب صاحبه لين مانشّف عروقه


الله الله


صح لسانك ياعقاب وابداع لايستغرب منك


وصح لسانك يا سعووود وايضا انت مبدع

صح بدنك ياراع الجدعا
واسعدتني بمرورك والله