مقـــــــاطيف ... !!!!

..



نتواصل مع الاخوان الاعزاء والزملاء الشعار بما نستطيع من الشي القدييييم :)




(( مصيف الطايف ))






لاتنبش جروح الهوى يانايف = يكفي من أسباب الهوى منحازي
يوم إنتحينا عن مصيف الطايف = قلبي بقا في برحة القزازي
حالي تدهور مثل ما أنت بشايف = انقل علاجي واعكز بمعكازي
وأليا طرالي حاف فكري حايف = كن الحجاز اللي حواه حجازي
ماني مورى فالزمان الهايف = الله يبيح اللي فراقه جازي
أدري عنه عايش وقلبه خايف = ويدري بأني ماكسبت إنجازي





(( سم الهوى ))






عنيتني يازين ياغض الأنهاد = وصبري قضى وأنته بالأيام لاهي
جمك غزير ولاصدر منه وراد = وحبلي على عد المواريد راهي
اجيك لو إنك ورى شط بغداد = ماشح في ثنتين مالي وجاهي
لاتنبهر من قول شاعر وقصاد = يزهاك شعري وأنت للوصف زاهي
وإن كان ماتنشد وأنا تهت نشاد = وش عاد باقي في ضميرك تجاهي
ترى المحبه ماتجي حرب وجهاد = تخديرها فالروح تخدير شاهي
إن ماحصل قربٍ يضاهي للأبعاد = وألا ترى سم الهوى مايضاهي

لاتنبش جروح الهوى يانايـف
يكفي من أسباب الهوى منحازي
يوم إنتحينا عن مصيف الطايف
قلبي بقا في برحـة القـزازي




لازلت جزل ياناصر ... صح لسانك مدد


ولا تحرمنا تواصلك

الله علييك يالعصيمي وصح لسانك مدد بلا عدد . قصيدتين جزلتين من منطوق جزل .

إن ماحصل قربٍ يضاهي للأبعـاد
وألا ترى سم الهـوى مايضاهـي

إيه بالله

صح لسانك يا ناصر

وبيض الله وجهك

جزل ومبدع و ممتع

لله درّك

لا عدمنا حضورك

وسطوع نورك

احترامي

الله علييك يالعصيمي وصح لسانك مدد بلا عدد . قصيدتين جزلتين من منطوق جزل .

صح لسانك يابو محمد

ماهي غريبه عليك الأبيات الجزله ؛ هذا ماعهدناك

أثر قلبك خضر الظاهر أني بعلم علاك