يدخل ويفرق سومت اجنيهاتها واريالها ,,, الطارف سديد
البشيري25-Nov-2009, 04:19 PM
السلام عليكم ورحمة الله وبركااانه.......
الطارف سديد... واول مصافحه
في منتدى الهيلا هل الميقاف والحد السنين = سلام تسليمة وفا من هاجسن يبرالها
السوق بيع ومشترى واللي يبى العرض الثمين = يدخل ويفرق سومت اجنيهاتها واريالها
فرهودي25-Nov-2009, 04:52 PM
عليكم السلام ورحمة الله
وحياك الله بالنيابه عن اهل المنتدى
يامرحبابك يالبشيري رحب ومن العايدين = في منتدى الهيلا ترحٌب بالرجال رجالها
حنا ترانا مانضحي غير بالكبش السمين = مانطرق السكين للي ديسها لعيالها
البشيري25-Nov-2009, 05:11 PM
البقاااا يالفرهودي
دام البقا بك يالمرحب من يسار ومن يمين = دام البقا وام الكباير فسخت سروالها
بسم الله الرحمن يوم العلم الاول وين وين = ماتدري انته في جنوب الدار والا اشمالها؟؟
فرهودي25-Nov-2009, 05:27 PM
يالله دخيلك كان راحت مثل ذيل ابا الحصين = بعض السوالف شرهة الي فالمجالس قالها
حنا ليا حان الطلب جينا سوات الفاتحين = مانرجع إلا لين ناخذ خيلها وجمالها
البشيري25-Nov-2009, 05:41 PM
الفرهودي عن اذنك عندي لزوووم جدا ضروووري ابقضيه وارجع ونكمل
يالله دخيلك كان ماتعرف علوم العارفين = والا الجزيره دوب ماشوش علاك ارسالها
العافيه زينه ودوك العلم والقاسي يلين = حنا عرفنا لحيتك ياصاحبي واسبالها
فرهودي25-Nov-2009, 06:17 PM
خذ راحتك ومتى مافضيت تلقاني موجود
يالبشري الي تلطم خدودك علشان الحسين = مجاك غير الي يحلٌ من العقود حبالها
اليا قريت الفاتحه خلك وراي تقول آمين = مادامك الي ماحفظت قصارها وطوالها
نوآف الغنامي25-Nov-2009, 06:24 PM
صحت السنتكم
وااااصـــــــلوا
متااااااابع
الحوووووت25-Nov-2009, 07:45 PM
الله الله الله
صح لسانك يالبشيري
وصح السانك يالفرهودي ( مانطرق السكين للـي ديسهـا لعيالهـا ) شطر متعوب عليه بيض الله وجهك
فرهودي25-Nov-2009, 07:57 PM
خيال الصفراء
صح بدنك وشكرا لمتابعتك
الحوت
حياك الله يالحوت عندك الخير والبركه
وصح بدنك
لاهنت
البشيري26-Nov-2009, 01:10 AM
لاوالله الا قمت تكسر يدك ياعبدالمعين = لاكن انا باقول والعقده على حلالها
ان كان ماتدري ترانا ياعميلي مسلمين = والا العلوم الثانيه تسعى ولا نسعالها
البشيري26-Nov-2009, 01:14 AM
خيال الصفراااا
لاهنت على مروووورك العطر
الحووووت
لاهنت على مرووورك العطر وصحت ابداانكم جمييع ومروووركم شرف
شاعر شعبي26-Nov-2009, 01:35 AM
البشيري والفرهودي
واصلوا لاعدمتكم
طاروق كايف
متابع
فرهودي26-Nov-2009, 02:07 AM
يدٌي سليمه مار عينك كأنها من غير عين = ماسقت غير الدله الي ينشرب فنجالها
يالصاحب الي في كلامه شيء شين وشي زين = ترا الوعد يابو سعد فالمقبلات ليالها
صح لسانك وبيض الله وجهك
الاذان ماهو بعيد وورانا بكره صيام
ولنا لقاء ان شاء الله
والمعذره على القصور
البشيري26-Nov-2009, 02:46 PM
فرهودي صح السانك وبيض الله وجهك وعزالله انك شاعر جزل واني تشرفت باللعب معك
ولنا لقا قادم بأذن اللله
