الجوخ من بدّ القبايل لبسناه=مسلط رمى الجوخه على عيدهنه ((قصة الجوخه))

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته

شقير بن عقيل يقول:


الجوخ من بدّ القبايل لبسناه=مسلط رمى الجوخه على عيدهنه
عيد النضا اللي مع مخافه ومضماه=ووقف بها لين الجموع عرفنه

وقصة هذه الأبيات وهو يمتدح فيها عيد بن عرانه الجذع

كان هناك مناخ بين عتيبه وقبيلة امطير وبدت المعركة وموقعها اسناف الطراد الواقع شرق محافظة عفيف


والان فيها قرية المعلق وعندما دارت المعركة وحمي الوطيس وكان هناك الفريس والبواردية وكان


البواردية مستمرين بالرمي والفريس يخوضون المعركة بكل ضراوة وقفوا فريس قبيلة امطير ولكن


ابوارديتهم استمروا باطلاق النار على عتيبه وكانو قريبي من سناف الطراد وكانو مختبين وراء السناف


قام الامير مسلط بن ربيعان راعي سبلا بنخوة البواردية في عتيبه وحذف الجوخه على البواردي المشهور


عيد بن جاسر بن عرانه الجذع وقال تكفا ياعيد اذبح القوم 000قالوا البوارديه واهنيك ياعيد بالجوخه قال

عيد تهنوني بالموت لن اعود الا منتصرين او مقتول ثم اتجه عيد الى السناف مهرول وقال لبواردية عتيبه


امشوا وراي لين اصل السناف ثم كلاً ياخذ مكانه واذبحو الرياجيل وفعلاً مشوا وراء عيد لين وصلوا


السناف وكلاً اخذ مكانه وبداء الرمي ونتصروا عتيبه وعندما عاد عيد سالم غانم حسبو ا 35رصاصة مصيبةٍ

الجوخه والله فاكاً عيد 000000

هذا ماستطعت ان احصل عليه عن قصة الجوخة


لكم تحياتي

مليون ونعم ولا تسد بعيال عمنا الجذعان

والله ونعم فالجذعان ولاهي غريبه

وارثين الطيب كابر عن كابر

ومليار نعم فيك ياولد عساف

تسلم يمينك

ونعم بالجذعان ولكن عتيبه ماهيب مع مسلط هاك اليوم ؟؟؟



ما معه الا شمشولً من الروقه ولا هم واجد


وعتيبه في منازلها

ونعم با الفعل اللي يرفع الراس

و نعم و نعم و نعم



لاهنت يا ولد عساف

أشكر كل من ولي عوده مع الردود..

ولد عساف بيض الله وجهك على النقل

مشكور وبيض الله وجهك

,,

ونعم

لا هنت ياولد عساف.

,,,,,

وسبعة انعام بالجذعان فعولهم معروفه ولايبيلها شهاده

و الله والنعم