على منتدى الهيلا دفعني كثير الشوق

مساكم خير

/

الطارف


على منتدى الهيلا دفعني كثير الشوق=با سلم وبا اغني مع عتيبه الهيلا!!
تزين الخواطر والمعاني عليها ذوق=يا لطامت العايل وذباحت الحيلا !!

استلم استلم


بعد جيتنا مشتاق ياطيب المنطوق = هلا مرحبا مع ريحة البن والهيلا
علوم الرجال اتوسع الخاطر المخنوق = وبعض السوالف ماوراهن محاصيلا

يا هلا يا خوي السعد



يدوم البقا يا ناس ياللّي نظركم فوق=نظركم على الجدي المثبت مع اسهيلا !!
لكن أنت لو انعدك امن العرب مسبوق=وش الدبره اللي تسبق الناس فالحيلا!!

المهلي مايولي



عزيّز على دربك عسى مايعوقك عوق=وش اللي تسوي لحتما الحط والشيلا
انا في طريق المعرفه مركزي مرموق = وكل الصعايب قدم مثلي تساهيلا

الله الله
ع الابداع

عزيزالعبدلي صح لساااااااااااااااانك


خوي السعد صح لسااااااااااانك

العبدلي


وخوي السعد


صحة الالسن والقلوب





خوي السعد على اسمك

تلد والنظر فوق السحابه وجاه ابروق=عسا تاليات انظاركم مابها عيلا !!
ليا صار كل السمن والمعسلي معلوق=تعد الليال وتنظر لمرجح الكيلا!!

الشاعر الكبير النشمي صح بدنك

معجب العتيبي

النشمي


صحت ابدانكم ولا هنتو على مروركم المشرف

ماعليك زود يامشرفنا معجب وصح بدنك

لمحت البروق وقلت خير(ن) لفا مسيوق = وزاد الطمع في طيبات التماثيلا
عسى الله يجازي معجب وصاحبه مرزوق = بعد فكوا البيبان قدم المهـابيلا

لمحت البروق وشفت رعادها ملحوق=وحلّت علاك الممطره بالمخاييلا!!
أنا لو أبرّق حيد ثوبك لقيت اشقوق=ولكن عوّد عن دروب المشاكيلا!!


خوي السعد صح لسانك عز الله ان اللعب معك شرف ونوماس مير الظروف ما تسمح اني اكمل الطاروق
واعذرني يالغالي

والختم عندك

عسى الله يجازي معجب وصاحبه مرزوق


بعـد فكـوا البيبـان قـدم المهابـيـلا

ههههههههههه لاتعليق

مخيله لها براق (ن) وخيرها ممحوق = تمر البلد وتروح ماسيلت سيلا
مادام ان باب الشر فالمنتدى مغلوق = ابا اعطيك فرصه لليال المقابيلا

ماعليك زود ياعزيز والشرف لنا وسمح لنا وان بدت زله
تصبح على خير

النشمي انت نشمي على اسمك
مشكور على المتابعه :)

الله يبيض وجيهكم مبدعين وجزلين

وصحت السنتكم

شهاده نعتز فيها ياعميد اهل النخبه