محمد السناني وسفلا الدغيلبي ,, بغت تقرصني النمله

محمد بن متروك السناني


سلام الله على قوم ٍ لها تاريخ واسم وصيت
تناشا وانتشى يوم الدير ضاقت مخارجها
علومك يا سفر ويش اخر الاخبار وش سويت
تهمك حاجتك والناس ما همك حوايجها


سفر بن سعد الدغيلبي



الا يا مرحبا ترحيبة ٍ ما تعرف التوقيت
على صبح ومساء واهل الكرم هاذي مناهجها
بنيت البيت يوم ان السناني ما بنى له بيت
يحاول ويتلعث بالنشاما ويتولجها




محمد السناني



يدوم الك البقاء والحي يمكن يفتخر بالميت
ولكن الحياه الفانيه صعب ٍ تبرمجها
بنيت البيت قبل ان النصارى يخرجون الزيت
وهالحين الدعايه ما تبى الا من يروجها



سفر الدغيلبي



ما دام ان القرايه يا محمد تذبح العفريت
نبى نقراء على العفريت لين الله يفرّجها
معك خمسه من اللجنه معك خمسه من التصويت
وهاذي علةٍ ما غيرك خلاقك يعالجاها




محمد السناني



ما دام انك تجمع فالحطب والقاز والكبريت
اكيد الفتنه الله يحفظك زايد توهجها
مصيبتكم كلام الالسنه يحتاج له تسكيت
لكن اللي يهمك قطعها والا تبنجها




سفر الدغيلبي



ليا منا زعلنا واصبحت شعله وديناميت
تعاف اللقمه اللي بين ضرس وضرس تعلجها
غدت صحبت محمد مثل صحبة ريس السوفيت
لكن الله بري من صحبة ٍ هاذي نتايجها



محمد السناني



مثل ما قالها الحربي فبيت من القصيد اوحيت
اظنك ما تبي ترتاح لين انك تلامجها
ياشين الصحبه اللي تاليتها كلها تشتيت
تجي مثل الصبيه يوم ما تستر تبرّجها



سفر الدغيلبي





بغت تقرصني النمله ولكني شريت فليت
وحصلت الفليت يواذي النمله ويزعجها
ولا انت بناقص ٍ منا ولا انت بزايد ٍ من جيت
مقاريد العباد اشره على رجل ٍ يهرجها



محمد السناني





قرصك النمل من تحت الفراش وقمت ما حسيت
يا لين الاوله وصلت دماغك من تدحرجها
لو انك قبل حلفان اليمين اوفيت واستوفيت
ما كان اغرتك ربات الطرب بأخر تغنجها




سفر الدغيلبي



عكس العلم وتحاول تجي بالضحك والتنكيت
ولكن مثل ما قالوا يا بن متروك درّجها

مشكووووووووووووووور على هاالطاروق ولاتحرمنا جديدك

للتصحيح ......................


بنيت البيت يوم ان السناني مابنى له بيت يحاول ويتعلـّث بالنشاما ويتولجها




وكذلك .............





تعكس العلم وتحاول تجيب الضحك والتنكيت ولكن مثلماقالوايبن متروك درجها