نصيحه

بسم الله الرحمن رحمـان رحيـم
اللي له الاخلاص فـي سباحتـي
اعوذبه من كـل شيطـان رجيـم
واسأل الهي من خطـاي اباحتـي
واعوذبه مـن كـل تفكيـر اثيـم
وبالذات لامن صار من نصاحتـي
ياصاحبي حياك يالشهـم الكريـم
جيتك عيد وشوف مثلـك راحتـي
من قبل لا تسال انا ادري يالحميم
تبي تعـرف المستجـد بساحتـي
ابشرك مرتاح فـي خيـر ونعيـم
وعلى الوفاء والطيب باسط راحتي
احفظ حقوق الود واحترم الغريـم
وخطأ ابن عمي تدمحه سماحتـي
يعني على خبرك ودربي مستقيـم
ومبادئ تنبيـك عـن صراحتـي
لاشك ما اخفيك واخبـرك عليـم
هنـاك نـاس همهـا ازاحـتـي
عن سكة الاعلام والفكـر القويـم
واحلامهـا تبكـي مـع نواحتـي
اتقول كني بينهم نـادي الزعيـم
لافزت بالجولـة بـدو صياحتـي
بدوا علي حرب ضروس مستديـم
لكن قبـل لاتهـم فـي صباحتـي
هجدتهم برماح تضرب في الصميم
وصفعتهم بكفوف مـن فصاحتـي
فيا هيه ياللي جل تفكيـرك عقيـم
بدري عليك تنوش وارف واحتـي
لو ادعيـت الفهـم لابالله غشيـم
ومالك نصيب وقسم في تفاحتـي
تشوف نفسك شيخ واستاذ وفهـي
عليش مدري بس هاك ايضاحتـي
مما قرأت اسمـع لماثـور قديـم
معـاك امانـه بلغـه نياحـتـي
اكبر دليل اني على النخبه زعيـم
ذمامتي سـاووا عـدد مداحتـي
شاعر عظيم وش يهزك ياعظيـم
جبـل ولا فكـرت فـي نطاحتـي
مع بنات الفكر عاشـق مستهيـم
وابداع فكـري يعتبـر سياحتـي
وان جات للالقـاب لقبنـي كليـم
الامبراطـور اسمـي ومساحتـي
القافله تمشي لو المسـرى عتيـم
ماعاقهـا التهديـد يـا نباحتـي
راجع حساباتك وحـاول تستقيـم
فرصـه ثمينـه فاغتـم اتاحتـي
وشله تشب النار وانت اصلا هشيم
احرقت نفسك ليه لاجـل ازاحتـي
بيّن عليك اللي يخطط لـك حريـم
وتبطي عظم مانلت حلم اطاحتـي

صح لسانك يا وليد