وينك يا مرزوق
مرعب الشعراء02-Jul-2005, 11:39 PM
السلااااام عليكم
خلووووها (لا أحد يتعرضها)
يا سلا الله عليكم عدد وبل السحاب @ يا عتابه وين مرزوق يحضر لا يغيب
بيني وبينه حساب ٍ نبا نصف الحساب@ طاب له فالوقت ولا لعله ما يطيب
ماجد الهذلي02-Jul-2005, 11:48 PM
يا سلا يا سلام
بدعه قويه من شاعر مرعب
الله الله وين مرزوق
مرزوق تعال صف الحساب
الليله نباها تنتهي وكل واحد يأخذ حسابه
أنا في صف المرعب خااايف منه :)
مرزوق حمدان العتيبي03-Jul-2005, 12:15 AM
وعليكم السلام ورحمة الله وبركاته
تفضل يالمرعب.
يالمسلم مرحبا دوب طاب اللعب طاب = لا تزيد الصوت مرزوق في جنبك قريب
قبل لانقرأ العناوين ونفل الكتاب = منهو المرعب عسى فيه ظنّي مايخيب
فيصل المسعودي03-Jul-2005, 02:18 AM
مرعب الشعراء
مرزوق
وووووووواااااااصلوووووواااا
تحياتي
الايداء103-Jul-2005, 02:43 AM
صح السانك يامرزوق .... في صفك وأنا بن روق ..... لك على العتبــان حقـوق ..... مانت الحالك فالميدان
مانباك أتـــرد اليـــــوم..... لد بقلبــك يـــم القـــــوم .....عندك سطوه وأبك عزوم ...... والمعادي شانه شـان
ماجد الهذلي03-Jul-2005, 04:07 AM
الله الله يا مرزوق
إبداع بلا شك
متااابع للمستجدات
المسرّي03-Jul-2005, 01:36 PM
الله يستر
منينه جاي المرعب ذا
والله انه على اسمه
الليل يا سااااااااااري
مرعب الشعراء03-Jul-2005, 06:44 PM
البقا يا ذيب حـــذرى تلد إلنا الذياب @ خــلها ما بيــننا مـثــل شــــــاهي بالحليب
صفي حسابك معي ثم نبدى بالعتاب @ لو تثور أعصابك أقول مدري وش تجيب
مرزوق حمدان العتيبي03-Jul-2005, 08:33 PM
البعارين الغفال اصبحت كثر التراب = من عددها بلشوا ابها مداوير الذهيب
كيف اوصل لك شعوري ومن دونك حجاب = ياصحيب الطبع هذا ماهو طبع الصحيب
** البرقاوي**03-Jul-2005, 09:01 PM
البعارين الغفال اصبحت كثر التراب = من عددها بلشوا ابها مداوير الذهيب
كيف اوصل لك شعوري ومن دونك حجاب = ياصحيب الطبع هذا ماهو طبع الصحيب
الله الله الله
يا شاعر المنتدى
عز الله انك ابدعت
رد قوي
البعارين الغفال اصبحت كثر التراب = من عددها بلشوا ابها مداوير الذهيب
والله البلشه من الغفل
ورى الشاعر مايبين وسيمته
استمر يا مبدع ونحن معك
مرزوق تصدق اني مبــــــــــــــــــــطي ما لزمت الصف
لكن من شانك الليله ترانا موجود في الصف
الله يعطيك العافيه
((الدلبحي))03-Jul-2005, 09:49 PM
الله الله على العب الحي
سجلوا متابعتي يالربع
تحياااااااااااااااااااتي
اللطّــام03-Jul-2005, 09:55 PM
قبل لانقـرأ العناويـن ونفـل الكتـاب
منهو المرعب عسى فيه ظنّي مايخيب
اتوقع انه ملفي المورقي هههههه هه
ترى امزح
المسرّي03-Jul-2005, 10:54 PM
البعارين الغفال اصبحت كثر التراب = من عددها بلشوا ابها مداوير الذهيب
كيف اوصل لك شعوري ومن دونك حجاب = ياصحيب الطبع هذا ماهو طبع الصحيب
ههههههههههههههههههه
ما شاء الله عليك يا مرزوق
لكن انا معك في البيت الاول
والثاني لا
لان عدم معرفة الشاعر
لا تعني عدم التفاعل مع بعضكم
انتظر رده
مرعب الشعراء04-Jul-2005, 12:24 AM
أنته أشعيل الغفول ونسوقه للسراب= والسراب اللي نقوله تعرفه يالحبيب
كان شاعر تعرف الحق وتجيب الجواب = أقرب المنبر وتلقى على المنبر خطيب
سرحـــان04-Jul-2005, 12:37 AM
بدايه قويه وردود جزله واصلو
مرزوق حمدان العتيبي04-Jul-2005, 12:55 AM
اسمك المرعب ولكن غاشيك الرعاب = ليه ما تسمع كلامي ومفهومك صعيب
منت قادر تنطح القوم يامال الذهاب = وان لفتك القوم حدرت مع بطن الشعيب
مرزوق حمدان العتيبي04-Jul-2005, 12:56 AM
...
..
.
مرحبا بالجميع تراحيب الربيع
..
تواصل يالعلّه ماينقطع..
كل الشكر والتقدير على تشجيعكم...
فيصل المسعودي04-Jul-2005, 05:04 AM
ياعين ياعين
وووااااصلوووووا تحياتي لكم
مرزوق حمدان العتيبي04-Jul-2005, 12:10 PM
...
فيصل المسعودي
الف شكر وبيض الله وجهك ..
على تواصلك ..
اخوك
مرعب الشعراء04-Jul-2005, 08:23 PM
أنت لك ثياب مهي كما بيض الثياب=كل ثوبٍ تلبسه فيه يا مرزوق جيب
أنت لك روحٍ تراها تدور للعذاب= منت قدي يا مريزيق دور لك حريب
مرعب الشعراء04-Jul-2005, 08:26 PM
يالله حي كل اللي متابعين للموضوع ...وأخص بالذكر اللي لازمين صفي ...ماجد الهذيلي والمسري ..
اللواء04-Jul-2005, 09:24 PM
الايداء104-Jul-2005, 09:30 PM
شعار كباااااااااااااااار واصلووووو وأنـــــــــــا ماســــــــــــك الصف يامرزوق لاهان الشاعر المرعب .والنتيجه بعد التقييم لأن هذه المحاوره سوف تنقل للشعار الكبار .
تحياتــــــــــــــــــي.
الأيداء المورقــــي
مرزوق حمدان العتيبي04-Jul-2005, 09:33 PM
طيب طيب :)
ارفع المعنى وبالك يجي فيك ارتياب= الدلايل واضحه مايحير ابهااللبيب
ماندوّر للمعايا وتكثير السباب= كان هذا منهجك منت رجال ٍ لعيب
مرزوق حمدان العتيبي04-Jul-2005, 09:36 PM
...
الايدااااء
واللواء
والله متناسقه هالاسماء :)
كل الشرف ان يكون لكم تواجد على هذه الصفحه...
@المورقي@04-Jul-2005, 09:41 PM
يا سلام يا سلام
واصلووووووووووا وحنا متابعين
وتراني ماسك الصف يا مرزوق
تحياتي
الايداء104-Jul-2005, 09:56 PM
...
الايدااااء
واللواء
والله متناسقه هالاسماء :)
كل الشرف ان يكون لكم تواجد على هذه الصفحه...
ولنـــا الشرف أن تكــــــــون متواجداً معنا على هذه الصفحه . لازلت يامرزوق بالمقدمه . وأنا لازلت معك قلباً وقالباً. لاتزعل يالمرعب كلٍ يشجع الشاعر اللي يناسبه في الشعر .
أخوكم / الأيداء المورقي
مرزوق حمدان العتيبي05-Jul-2005, 12:02 AM
...
المورقي
والايداء
عصابة راسي
تواجدكم هو الفخر والاعتزاز بحد ذاته
دمتم على العز والمعزّه...
والشاعر المبدع المرعب ماراح يزعل
بالعكس تواصلكم يدفعنا للابداع ...
تحياتي
مرعب الشعراء05-Jul-2005, 01:04 AM
صح لسانك يا مرزوق ..
وشاكراً لك تقبلك الملعبه ..وبيض الله وجهك وأشكر كل اللي تواجدوا في ذا الصفحه ودعموا ذا المحاوره..ونوعدهم بمحاورات قادمه أن الله أراد
وتحياتي للجميع
مرزوق حمدان العتيبي05-Jul-2005, 06:13 PM
..
.
.
العفــــو يالمرعب
وصح بدنك ...
شكرا لك ولجميع الذين تواجد وا بهذه الصفحه
سواء بالكتابه او بالمتابعه ...
الايداء107-Jul-2005, 01:52 AM
بمتابعة الأبيات من حيث الترابط والتسلسل والألفاظ اللغويه يجد القاري أن هناك أبداع ولكن الأميز بـــــــــدون مجامله هــو الشاعر مرزوق العتيبي .والى ألأمام يامرزوق.
تحياتـــــــــــــــــــــــــــــــي
مرزوق حمدان العتيبي07-Jul-2005, 09:12 AM
....
شهاده افتخر فيها...
يالمورقي...
ولا على الجميع اقصور......
تحياتي
حزين الرياض07-Jul-2005, 09:19 AM
بداية موفقة ولا قين خير انشالله
مرزوق حمدان العتيبي07-Jul-2005, 09:37 AM
...
تسلم ياحزين الرياض
والخير بوجهك اوان اخوك...
تحياتي :)
الايداء107-Jul-2005, 12:30 PM
بداية موفقة ولا قين خير انشالله
أخوي حزين الرياض .الأستاذ الشاعر مرزوق العتيبي ليس من أهل البدايه ولكنه أحد الشعراء المجيدين للشعر تابع محاوراته وسوف تعرف ذلك بنفسك .
تحياتي
