(( عــزوز )) - - - يـامـشـكــاي - - -

قـصـيـده كـتـبـتـهـا وأرسـلـتـهـا لأخـي (عــزوز)
بـتـاريـخ 11\11\1425هـ
والـقـصـيـده تـعـبـر عـن نـفـسـهـا
-------------------------------------------------------------------------------



عزوز

يـامـصدرالأفـكـاريـاوحـشـه اللـــيــــل=ردي صــدى بألـحان صـوت إرتجـالـي
هـاض الفكـر ياهـم لـحن المـواويــــــل=وبــحـرالـشـعــر لـطــام والـجــو خـالـي
الـفكـر ضوي والقـوافـي مـعامـيــــــل=ولايـذبـح الهــاجـوس كـــود إنـشـغـالـي
يـازيـن تـال اللــيل نـظـم التـماثيــــــل=والا الســـــهــر يــالـيل مــالـه ومــالــي
تــوالسـهـر بالقـاف سـوى مداخـــيـــل=مـدام بــدع القـــاف تــــو إســتــــوالــي
حمـل لي الأفـكار ياشعـر تحــمـيـــــل=أســـــرع مـن بـروق السـمـا ودهــا لــي
سـلم على المقـصدود من دون تـأجيـل=غــالـي مــن الغـــالـين لازال غــــالــي
أخـوي من نسـل الرجال المشاكــــيـل=كــســابـة الـــطــــولات بـأول وتـــالــي
عزوز يامشكـاي مـاهــي مراســيـــــل=هـذي مــواصــيل الجــفــا يـــاحـــلالــي
عزوز ياعــل الليــالي تــساهــــيــــــل=تــلقى بــها الأفـــراح والفـــكر ســـالــي
معــاد تنفــع شرهتي للــمواصـيــــــل=حـرف.ن. كـتــبـته بالـــورق بإمــتـثالـي
أشيــل لـك وأحـط وأحـط أشـــــيـــــل=وأرفــع لـــك المــقدار بــين الــرجـــالـي
مايغـلب الاحسـان رجس الأباطيــــــل=خـلك كــمــــا نـجـم العــطــارد يــلالـي
تسـبـح مـع التـيـار فـي منبع النـيــــــل= خـطر .ن. علـيك اليـوم مــابـه جـــدالـي
تركـب بدون لجـام مـع فـزة الخيـــــل=والـلي يـــطيـح بــدربـهــا مــايــشـــالـي
الكيـل يفرق لامـشى سـرعه المـيـــــل=وطــعـم المـراجل مــر والختــم حــالــي
كسبن مـع المقرود مابه محاصيــــــل=إشـرب شــراب الـمــرجله بــالــــزلالـي
لــو يعرف العـقال قــدر المـهابيــــــل=مـاخـالــط العقــال بعـــض الــهبــــالــي
ولـو يعرف المحتاج رزق المقابــيـــل = مــاكـرر المــغــبــون ذل الــســــؤالــي
عـل الثبور وحسرة العمر والويـــــــل=تــأتــي عـــلـى اللــي يــرتخـي للخمالـي
مـايـذبـح الرجـال كـود الـغـرابــيـــــل=لــصارحـــظــه مـامــشـــى بــالـعــدالي
عين السوي لمعرج الدرب دربـــيـــل=والا الشــقـي شــوفــه لــحــد الـــظلالــي
أحـب كيف الـبن مـع ريحـة الهـيــــل=ونـار.ن يـطـقــطـق جـمـرهـا بـأشـتعالي
شـفي مـع البدوان في مـطلع سهيــــل=طـرد الــقـفـار بـــذود نــــصــه مــتـــالي
أتـــرك ديـار الوقت وأشـد وأحـــــيل= نـوبن جـنوب ونــوب صـــوب الشــمالي
يازيـن ريح الشيـح لابـلـه السـيــــــل=والا بــروق الـوســم وســــــــط الــخيــالي
يامـفسـر الاحـــلام مافـيه تـأويــــــل=خصن لاصـــرت وحــيـد والضـغط عالي
ياقــارئ القـرآن حسـن التـراتيــــــل=صـوتك مــع النســمات ياشــــــيخ جـــالي
أصبح عليك الصبح في سورة الفيــل=كــمــل لــي الــــترتـــيل حــتى الـزوالـــي
كتبها -عمر الروقي
--------------------------------------------------------------------------------

..
.

جزززززلة ياعمر

صح لسااانك وسلم تفكيرك

ودمت منبعا للابداع


موودتي

.

صح لسانك يالغالي


ولاهنت

خلف مرزوق
-
-
-
لاهنت يالغالي
وصح بدنك
----------------------

ذيب الحنابج
مشكووووووووووور
على المتابعه ولاهنت
----------------

عزالله انها جزله
وصح لسانك

خالد اوصاهب
-----------
مشكور يالغالي
على المتابعه ولاهنت
----------------------------

الأخ عمر الروقي

صح لسانك يا غالي



جزلة يا جزل



العارف

العارف
صح بدنك ولاهنت على المتابعه والرد

..
.


صح لسانك ياعمر
قصيده جزله تشكر عليها
...

اخوك ..

صح لسانك


رائعه من رائع


وفي انتظار جديدك


تحياااااااااااااااااااااااااااااااااااااتي

مروزق العتيبي
صح بدنك طال عمرك
وابن نعيس صح بدنك طال عمرك
------------------------------------