قصيدة الشاعر سليمان البلوي في حفل ابن حجنه

أخواني أعضاء وزوار المنتدى
السلام عليكم ورحمة الله وبركاته

في يوم الخميس 13/10/1428هـ ، حلّ الشاعر / سليمان بن ابراهيم البلوي ضيفاً على مخيم المجاولة الواقع في ملتقى عتيبة لمزاين الإبل قادماً من مدينة تبوك ، وبعد تناوله وجبة الغداء في المخيم أبدى رغبته في إلقاء قصيدة في قبيلة عتيبة تعبيراً عن تقديره ومحبته لهذه القبيلة ، فتم اصطحابه في مساء ذلك اليوم إلى حفل العشاء الذي أعده الشيخ شبيب ابن حجنة لشيوخ قبائل عتيبة ، وقام بإلقاء قصيدته في الحفل ، وفيما يلي أورد لكم أبيات القصيدة :


ســــلام ياعتيبة مــن الراس للراس **** شيمة لكم عنّيت حرة نجيبة
أفعالكم لاحرار الاجواد نبراس **** يا اهل العقول الراجحات اللبيبة
وانا ليا غنّيت ضويت نبراس **** يضوي من العارض الى شرق طيبة
لو(ن) الشجاعة والهقاوي غدت ناس **** ثلثينها تنسب مناسب عتيبة
سطوة وهقوة واقتدار(ن) على باس **** صمّ الجبال تقول روضة عشيبة
يوم ان ابوتركي سرا فيه هوجاس **** يجمع شتات اديار جرد(ن) غريبة
عنّز على اللي بالعرب ساسهم ساس **** صفوة عرب من دون شك(ن) وريبة
مقدام جيشه يوم قطفات الانفاس **** يوم النشامى سور طيره وذيبه
وتدرون وش ميّز عتيبة عن الناس **** واركز لهم بيضا براس الرقيبة
لو جيش فيه الفين فارس وفراس **** واحد عتيبة ينطحه ما يهيبه

في الختام ، نود أن نتقدم بالشكر والتقدير لضيفنا الشاعر سليمان البلوي على مشاعره الطيبة ، ولن ننسى مواقفه الوطنية الصادقة التي يعبّر عنها دائما في أشعاره الوطنية الكثيرة ، كما نتقدم بالشكر الجزيل لشيخنا المحبوب شبيب بن حجنة ، وشيخنا الغالي ضيف الله بن حجنة ، وشكر وتقدير خاص لسعادة اللواء تركي بن حدجان الذي أخجلنا بتواضعه وابتسامته المعهودة .

دمت لنا يا وطن العزة والكرامة ، وداموا لنا حكامنا آل سعود الكرام تحت قيادة مليكنا الغالي أبو متعب حفظه الله ورعاه .

والسلام عليكم ورحمة الله وبركاته ،،،

مشكور اخوي فرج

وصح السان شاعرنا

صح لسان الشاعر / سليمان بن ابراهيم البلوي

وبيض الله وجهه على هالقصيده

والله لا يهينك على هالقصيده يالسنافي

الأخوة الأعزاء : دلبحي نجد ، الجعيداني

شكراً على مروركما ، وبالتوفيق للجميع ،،،

بيض الله وجهك ووجه الشاعر البلووي كفا ووفا والف شكر على طرح الموضوع

حياك الله يا (رمح برقا) ، ويستاهلون الطيب بني عمي