قصيدة تبكي.......

بسم الله الرحمن الرحيم





أسال الله أن لا ينزع الرحمة من

قلوبنا ماهذه القلوب؟!!

بصراحه اول ماقريت القصيده بكيت لانها من جد قويه وهذي رساله للي يعق امه وابوه

ترا لافات الفووت ماينفع الصوت وتجلس طول عمرك تبكي حسره ووندم وودك ترجع

الايام عشان تخدمهم ليل نهار لازم نتحملهم لازم ندور رضاهم وحتى لو غلطو عليك تروح

تبوس يديهم وراسهم




الام ماتت والقصيده سلمها الدكتور للولد وهو يستلم الجثة

هذة قصيدة لأم تعيش في دار المسنين تنثر كل أحزانها بصوت الامومة لولدها الذي

رماها وتركها من أجل خاطر زوجتة التي رفضت العيش مع أمة.....؟؟

وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة ....




يامسندي قلبي على الدوم يطريك ..,,.. ماغبت عنـي وطيفـك سمــــايـا

هذي ثلاث سنين والعين تبكيـــــك ..,,.. ماشفت زولك زايـــرن يـا ضـــنايــا

تذكر حياتي يوم أشيلك وأداريـــــك ..,,.. والاعبك دايـــــــم وتمشـي ورايــــا

ترقد على صوتي حضني يدفيــــك ..,,.. ماغيرك أحدن ساكنن في حشايـا

وليا مرضت أسهر بقربك وداريـــــك ..,,.. ماذوق طعم النوم صبح ومســـايــا

ياما عطيتك من حناني وبعطيــــك ..,,.. تكبر وتكبـر بالامــــــــــل يـا منايــــا

لكن خسارة بعتني اليوم وشفـك ..,,.. وأخلصت للزوجة وأنا لـــي شقايـــا

أنا أدري أنها قاسية مـا تخليــــــك ..,,.. قالت عجـوزك مـا أبيهـا مــعايــــــــا

خليتني وسط المصحة وأنا أرجيك..,,.. هذا جزا المعــــروف وهـذا جزايــــــــا

ياليتنـي خدامـة بيـن أياديـــــــــك ..,,.. من شأن أشوفــــك كل يوم برضايا

مشكور ياوليدي وتشكر مساعيك ..,,.. وأدعـي لـك دايــــــــمـآ بالهـــــدايـا

حمدان يا حمدان أمـك توصيــــــك ..,,.. أخـــــاف ماتلحــق تشـوف الوصايـا

أوصيت دكتور المصحة بيعطيــــك ..,,..رســـــالتي وحـــروفهـا مـن بكايــــا

وأن مت لاتبخل علي بدعاويــك ..,,.. وأطلب لــــي الغفــران وهذا رجايـا

وأمطر ترااب القبر بدموع عينيــك ..,,.. ما عــاد ينفعـــك النـدم والعنـــايـــا





وســـــــ من الله عليكم ورحمته وبركاته ــــــــــــــــــــــــــــــــلام

تحياتي

عبدالعزيز البرقاوي

نرجوا الله ان نكون بارين بوالدينا

مشكور وماقصرت على الموضوع الهادف