مثــــــــيب ( دوب ابتدى دق الاجراس)
حاكم الغنامي17-Dec-2008, 10:01 PM
تو ابتدى دق الاجراس / دق الجرس والرحى دار =يامثيب جتك الرساله / سطرين / والنار حيه
مسكين عباس فرناس / ركب جناحه ولاطار =عزي لحالك وحاله / مسكين / والنار حيه
كبتن عتيبه17-Dec-2008, 10:03 PM
الله الله
بدايه قويه
وطاروق مروبع
رائع
متابعين
الــوآفــي17-Dec-2008, 10:07 PM
الله يا حاكم
مبدع
لا هنت يالامير
اخوك
حاكم الغنامي17-Dec-2008, 10:09 PM
الكبتن
هلا وغلا
دائما مميز
حتى بمرورك:)
معجب العتيبي17-Dec-2008, 10:10 PM
الله الله
حاكم مبدع
وبدايه تفتح النفس
صح لسانك ولسان قبيلك
ومتااااااابعين
حاكم الغنامي17-Dec-2008, 10:11 PM
ذيبان
هلا وغلا
مجـــــــــــــــرد مرورك يكفيني فخر وشرف
لاهنت يالملك
حاكم الغنامي17-Dec-2008, 10:12 PM
هلا معجب
صحت ابدانك
مرورك هو اللي يفتح النفس:)
مثيب17-Dec-2008, 10:23 PM
غاص البحر قبل ينقـاس / وامسى بغبـات الابحـار = سفينته مع مجاله / موجين / والنار حيه
صابك من اثنين وسواس / تدور في راسك افكار = منهم سبايب خباله / أثنين / والنار حيه
معجب العتيبي17-Dec-2008, 10:43 PM
الله الله يامثيب
صح لسانك
ومتابع
حاكم الغنامي17-Dec-2008, 10:45 PM
ياحلوها فنخة الراس / تهدى من الجار للجار =زادت حنيف ودلاله / جرحين/ والنار حيه
لوكنت سابح وغطاس/ جبت الجواهر والاحجار = والدرب كله سهاله / دارين / والنار حيه
مثيب17-Dec-2008, 10:45 PM
مثيب17-Dec-2008, 10:53 PM
فرسان من صنع سواس / سواس يسرج له امهـار = ضلالةً في ضلاله / بالدين / والنار حيه
بالدبدبـه ضاع عسـاس / من يرتجي منه الاخبـار = مسكين يتّـم عياله / هو ويـن / والنـار حيه
حاكم الغنامي17-Dec-2008, 11:13 PM
اركب على قب الافراس / وانطح طميه وسنجار=يمكن ترجع حلاله / بعدين / والنار حيه
تنسى معونات الافلاس / يومك على صك الاعسار = ناخذ عليك الكفاله / عامين / والنار حيه
مثيب17-Dec-2008, 11:29 PM
اليسـع في ملة الياس / ردو على ضلم الاحبار = الحق بيّن مقاله =يا سين / والنار حيه
من ضيم الارياق يباس / من جوع ضامر وضمّار = ياتاجرً ضاع ماله / بالدين / والنار حيه
حاكم الغنامي17-Dec-2008, 11:39 PM
ماسد في كليب جساس / غيره صغيرين وكبار =يستاهل اللي جراله / مخطين / والنار حيه
لاباس لمثيب لاباس / شيّال حمّال الاسفار = خسّر جنيهه رياله / قصدين / والنار حيه
مثيب17-Dec-2008, 11:54 PM
بنصر وفي حبس محباس / دقو عى شانه الطار = الليل تو ايحلاله / يمين / والنار حيه
راعي غنـم واكرم الناس / واشيل تايه على حمـار = واللي يدور جماله / وافين / والنار حيه
حاكم الغنامي18-Dec-2008, 12:05 AM
خلك مع خليف دواس / عارٍ على جرة العار =والآ الذهب والعضاله / غالين / والنار حيه
عندي لكم قطع الانفاس / لاصار بالوضع ماصار = عن نجد بعد احتلاله / جالين / والنار حيه
مثيب18-Dec-2008, 12:16 AM
ياسوار من حس حساس / اهديت له طقم وسوار = يقول مالك وماله / نصفين / والنار حيه
خليف للشعر نوماس / من هاجسه فن الاشعار = شعاركم في ثماله / للحين / والنار حيه
حاكم الغنامي18-Dec-2008, 12:35 AM
يامثيب خل التغطراس / منته بنافع ولاضار =غاب القمر مع هلاله / شهرين / والنار حيه
لك كلمة بين الاقواس / دامك طريقي ومرار = حنا لكسب الجماله / شارين / والنار حيه
مثيب18-Dec-2008, 12:49 AM
انفث على وجه خناس / باياتنا قبل الاسفار = وادعي وافكك حباله / امين / والنار حيه
قاعً من السبت منداس / ماتت على دوسه ازهار = من بينها اضرب مثاله / ضلعين / والنار حيه
حاكم الغنامي18-Dec-2008, 01:07 AM
شكرك على حد الامواس / في حدها قصف الاعمار = اثرك مصيبك حواله / فالعين /والنار حيه
يالبوم ياوكر الانجاس / تكرم عن الوكر الاحرار = عن جر دلو المحاله / مبطين / والنار حيه
أخو جوزا18-Dec-2008, 01:11 AM
حاكم الغنامي18-Dec-2008, 01:14 AM
...
..
عاشت ايامك ياخو جوزا
.
:)
مثيب18-Dec-2008, 01:20 AM
الدرع والسيف والطاس / والخيل والجيش والدار = اسبابهن صرت عاله/ لاجين / والنار حيه
البيت يبنى على ساس / ملفى طويلين الاشبار = لاجوه مجلس نعاله = حافين / والنار حيه
حاكم الغنامي18-Dec-2008, 01:30 AM
الخيل للشيخ عفاس / كسّاب حسكات الاوبار =وانتم بهيبه ضلاله / وازين / والنار حيه
لاعاد تلعب بمرواس / جرب مزامير الاوتار= خلك سوات الفضاله / فنين / والنار حيه
مثيب18-Dec-2008, 01:47 AM
حافي ولا لابس لبـاس // تموت ماتقضي الثار = من حط له حمل شاله / حملين / والنار حيه
ياشارب الخمر بالكاس // خثرقة مع شلة البـار = وازيد كاسه دوى له / كاسين / والنار حيه
مثيب18-Dec-2008, 01:48 AM
حافي ولا لابس لبـاس // تموت ماتقضي الثار = من حط له حمل شاله /
حملين / والنار حيه
ياشارب الخمر بالكاس // خثرقة مع شلة البـار = وازيد كاسه دوى له / كاسين / والنار حيه
مثيب18-Dec-2008, 02:13 AM
حاكم الغنامي18-Dec-2008, 02:13 AM
العرق للعرق دساس / نفسك ولاعينت خار =اعقل شعيل بعقاله / حبلين / والنار حيه
بالفاس ياراعي الفاس / تنطح هل السيف والكار != الراس ليه اتعناله / يابطين / والنار حيه
مثيب18-Dec-2008, 02:28 AM
ياحاكم ان صابك عمـاس / ريّض مع الليل سمّـار = ربعه غدو بالاطاله / مقفين / والنار حيه
ياوجد حالك من اليـاس / قدام نار وورى غار = فال الردي ذاك فاله / منسين / والنار حيه
حاكم الغنامي18-Dec-2008, 02:51 AM
لوهي كما حمر الاطعاس / تنساق غصبٍ بشنكار =ربعي رجال الشكاله / ذربين / والنار حيه
الطير ماهو بقرناس / يابوم جابتك الاقدار = وان كان تبغى دلاله / قرشين / والنار حيه
مثيب18-Dec-2008, 03:04 AM
لا صار فالحرب مقباس / يبقى من الناس صبّار = عمه نشد عن خواله / نعمين /والنار حيه
ارسم على سطر قرطاس / في مركزه فر فرجـار = والخط يبقى اكتماله / حرفين / والنار حيه
مثيب18-Dec-2008, 03:24 AM
:( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مثيب18-Dec-2008, 03:28 AM
حاكم الغنامي18-Dec-2008, 03:29 AM
غصبٍ على كل بلاس / سار القدم والبخت سار =نشربك شرب البياله / ساطين / والنار حيه
ماجاب نجرٍ ومحماس / وليا مشى ماله اثار=يمناه تشبه شماله / كفين / والنار حيه
حاكم الغنامي18-Dec-2008, 03:32 AM
اصبحنا واصبح الملك لله
حــــــــــــــــــــــــق
مثيب18-Dec-2008, 03:42 AM
لو يختلف طبع الاجناس / تمشي على حسب الاقدار = تبغى المناص استحاله / باقين / والنار حيه
منقوز جره ومدباس / من شافها نطها نـار = البير نارد زلاله / صلفين / والنار حيه
حاكم الغنامي18-Dec-2008, 03:56 AM
شبعان حوى وبسباس / واليوم بيدين جزار =كن البرد في خياله / خدين /والنار حيه
خيم على القلب هوجاس / ماودي ابيح الاسرار = امثيب عندي لحاله / والزين /يالله حيه
عبدالله الجـــذع18-Dec-2008, 04:07 AM
الله اكبر
قاف غيرررررررررر
صحت الالسن
.,
مثيب18-Dec-2008, 04:08 AM
مع بادي الصبح جلاّس / اقولها حق وجهـار = انا مثال البساله / يقين / والنار حيه
انظم عقودً من الماس / في جيد خفراتً بكـار = مايعرفن الرذاله / ياشين / والنار حيه
مثيب18-Dec-2008, 04:21 AM
حاكم الغنامي18-Dec-2008, 04:26 AM
منت الفرزدق ونواس / ولنته من القوم الاخيار =هذي شروط العداله / شرطين / والنار حيه
ياغبي محمود عباس / مسلم ويلعبله اقمار =ومثيب مثله لقاله / شخصين / والنار حيه
حاكم الغنامي18-Dec-2008, 04:31 AM
تصبح على خير يامثيب
وصح لساااااانك
والى لقا اخر
حاكم الغنامي18-Dec-2008, 04:31 AM
عبدالله
الجذع
منـــــــــــــــــــــــــــــــورنا وصحت ابدانك
مثيب18-Dec-2008, 04:37 AM
ينكس على الطار نكاس / من قو مافيه من زار = وبيوت شعر الجزاله / صفين / والنار حيه
ارسم على وجه كراس / اللي بيلفت لك انظـار = ويشكل الرسم هاله / تلوين / والنار حيه
مثيب18-Dec-2008, 04:39 AM
صح بدنك
مابغيت تخلص هههههههههههههههههه
والله ان النوم فيني وكبريائي يلزمني على الاستمراريه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
