ربعي هل الطاله ازحول الرياجيل (( تكفون ))
ابن ذايب26-May-2004, 07:34 PM
يالربع من يعرف قصيدة شقير الجذع في مصر اللي يقول
اليوم انا قلبي على خف وجناح
0000000000000000000000000 ماعاد يبغا مصر شطه ونيله
تكفون ياعيال عمي اللي يعرفها يعطينيها
والله اني ادورها بالشوكه
لكم مني فائق الشكر والتقدير
محدثكم
ابن ذايب
ربعي عتيبه27-May-2004, 07:31 AM
والله يااخوك انا ماني حاظفها كامله وحتى حفظي لها مهوب مرتب
لكن بقولك اللي حافظه
اليوم انا قلبي على خف وجناح
معاد يبغى مصر شطه ونيله
حتيش لو يطلعن منقا وتفاح
وحتيش لو فيه العماير طويله
دارن بها المشهور مصري وفلاح
لاحدن يعد اصله ولا له قبيله
دارن تضيف ضيفانها رجل وجناح
واطيبهم اللي جاب ديكه يشيله
دارن نساها لبسها شرت وشباح
واللي يحاكيها تقف وتحكيله
يمشن والاسلاب من قدم فتاح
وانا دخيل الله منجي دخيله
مهيب دار مكسرة الجنابي والارماح
دار مصلحين البليلــــــــــــــــه
يشتاهلهاااااا البركان والصبح مانباح
؟؟؟؟؟؟؟؟؟؟؟؟
هذي اللي انا حاظفه والقصيده طويـــــــــــــــــــــــــــــلـــه
ابن ذايب27-May-2004, 06:21 PM
الاخ الحبيب
ربعي عتيبه
الله يعطيك العافيه ويجزاك بالخير
لك مني كل الشكر والتقدير
واتمنى من الاخوان اللي يعرفها كامله يكتبها لي 00 مشكورا
لكم مني اطيب تحيه
اخوكم
ابن ذايب
شيباني نت28-May-2004, 01:53 AM
اثرك مالك لايم يا
ابن ذايب
في القصيده
والف شكر لـ
ربعي عتيبيه
على الابداع
يازين القصيده زيناه
اخوكم شيباني نت
مرزوق الجعيد28-May-2004, 03:42 AM
بيض الله وجيهكم ياعيال العم
قصيده تستاهل البحث والتفتيش
وياليت اذا احد يعرف تكملتها او اذا فيها نقص يكمله مع شكري لربعي عتيبه على مجهوده الي قام فيه والي جابه خير وبركه لكن نطمح دائما لكمال الموضوع والكمال لله عز وجل
اخوكم ومحبكم
مرزوق الجعيد\ابو نواف
ابن ذايب28-May-2004, 10:56 PM
الاخوان
شيباني نت
ومرزوق الجعيد
مروركم بلاشك مكسب
واشكركم على التفاعل وياليت اللي يعرفها كامله يكتبها
اخوكم
ابن ذايب
