إذا المراجل لبسة شماغ وعقال

بسم الله الرحمن الرحيم
هذه الابيات اعجبتني لا اعرف قائلها وحبيت انقلها لكم


إذا المراجل لبسة شماغ وعقال =قل للعذارى يلبسنّ العمايم
ما عاد يفرق زول حرمه ورجال =دام الفعايل تشبه البعض دايم
المرجله ما هيب كلمه وتنقال =وتروح ما راحت هبوب النسايم
وإلا خشونة صوت أو رفع الأثقال =أو رزة صدور وفعل الزلايم
ولا هي بعد مفتاح موتر وجوال= وإلا ردى لسانن حديثه شتايم
المرجله شيمه عن القيل والقال =رفيع نفس (ن) حر بالجو حايم
المرجله عقلٍ وزن وزنه جبال =ودون العقل وش فرقنا والبهايم
يا مسندي لو مايل الوقت بي مال= يا ولد أبويه يا عظيم العزايم
يا معرب الجدين من العم والخال= يا نخوة المفزوع وقت الهزايم
المرجله يا خوي هي طولة البال= هي العزم هي الصبر فالظلايم
فيها الكرم عزه ودله وفنجال =فيها الكرامه عن ردي الطبع شايم
والدين لامنه خذا القلب منزال =مشى طريق الحق وابليس نايم
ومن لا عرف ربه في طيب الحال =لابد وقت الضيق بالهم هايم
حتى صلاتك مع جماعات ورجال =في خيرها يا خوي نعم الغنايم
ولامن نصف ليلك قم صفي البال =يا عظم أجرك بين ساجد وقايم
ولا من رفع ربي له كل الأعمال =حسن الذكر لا قالو فلان صايم
وخلك شريف القصد يا طيب الفال= سوء المقاصد فالبيوت الهدايم
واحذر تبيع النفس في دب الأنذال= وتتبع خوي إبليس راع النمايم
النفس خيل لك إذا كنت خيّال =ومن لا قوى نفسه قوته الهزايم
ولا صرت ما تدري لو يش أنت رجال= والله خسارة فيك ذبح التمايم


وسلامتكم

صح الساااااااااااااااانك والساااااااااانه

شكرالك

صح ألسان القائل


شكراً على النقل الجميل


والإختيار الموفق



تحياااااااااتي

صح لسان قايلها وسلمت يد ناقلها

وانت سالم وغانم...

عبد الرحمن
طلال
ابو نواف
اخو جوزاء



لاهنتوا ع المرور نورتوا المتصفح

صح ألسان القائل


شكراً على النقل الجميل



تحياااااااااتي

لاهنت ياسيف اعنزه ع المرور

يعطيك العافيه

صح لسانك .


ولك مني جزيل الشكر ،


تقبل مروري .. دمت بود

حياك يا راعي الشوشليه نورت المتصفح

لاهنت ملايين