الشاعر / طائر الاشجان اقرب لو سمحت
علي خيران العتيبي04-Jul-2009, 12:17 AM
طائر الاشجان نتشرف باللعب معك طال عمرك :)
الا يالعطاوي قبل لا يطلع النور=بناخذ معك طاروق دامك قريبي
انا خابرك شاعر جزل تحكم الشور=لكنك معي اظن والله لتشيبي
عيد العازمي04-Jul-2009, 12:27 AM
انا خابرك شاعر جزل تحكم الشور
انشهد
صح لسانك ياعلي مبدع
وصح لسان المبدع الاخر طائر الاشجان
ويشرفني ان اكون بصفه
طائر الاشجان04-Jul-2009, 12:28 AM
ياهلا وغلا
الشرف لي والفايده لي منك ياطويل العمر
اشوف العتيبي معه سبحه وباكور = على الله نجمٌل كل شاعر عتيبي
وانا خابرك تسبح محيطات وبحور = ولكن ٌ شمسك فوق راسي تغيبي
علي خيران العتيبي04-Jul-2009, 12:29 AM
العازمي
صح بدنك
و مرورك انت و الي شرواك اكبر شرف والله
و يستاهل طاير الاشجان انك تكون بصفه
و انشالله ان صفنا واحد :)
طائر الاشجان04-Jul-2009, 12:30 AM
العازمي
ياهلا وغلا بشاعرنا الكبير المتواضع
صح بدنك وشكراا لمجاملتك
مرداس04-Jul-2009, 12:31 AM
علي خيران العتيبي // طاير الاشجان
صحت السنتكم شعراء متميزين
تستحقون المتابعه لدواعي التعلم منكم
واصلو
طائر الاشجان04-Jul-2009, 12:35 AM
مرداس
لدواعي التعليم هاا هههههه
ابك حنا نتعلم منك بس انت رجل متواضع بارك الله فيك
صح بدنك شرفت ونورت
علي خيران العتيبي04-Jul-2009, 12:39 AM
يا سلام يا سلام
معانا معانا مانت والله مسرور = و نجمٍـل و لا انجمَـل و لا فيه ريبي
ترا شمسنا متغيب دوم و لنا دور = في كل المواقف عاليين النصيبي
علي خيران العتيبي04-Jul-2009, 12:44 AM
مرداس
مرحبا ملايين
صح بدنك و انا الي اتعلم منك
اما طاير الاشجان انت معاه تنجازون
ههههههههههههههههههههه
و اثنينكم اساتذه والله :)
طائر الاشجان04-Jul-2009, 12:49 AM
معاكم نبا نضحك ولاني بمحشور = اكيد العدا واضرب عليها صليبي
عطيناك فيزا فوقها ختم بسبور = علشان ابن خيران شاعر حبيبي
علي خيران العتيبي04-Jul-2009, 01:00 AM
هههههههههههههههه
يا سلااااام
تقوله لكن الشك في قلبك يدور = و رميك معانا والله انه يخيبي
ما تقدر و انا شاعر و ثابت كما السور = و لا انته بقد السور لوٍٍٍَِِِِِِك عريبي
طائر الاشجان04-Jul-2009, 01:09 AM
هههههههههه ياحبي لك يابن خيران
تقوله وانا ياراعي العرف دكتور = ومن حان موته في دقايق يطيبي
تريٌح ترا واجبك ياخي ٌ مقدور = وبعد العشى نسقيك طاسة حليبي
ابجاد04-Jul-2009, 01:14 AM
الشاعر علي خيران العتيبي
والشاعر طائر الاشجان
صح السنتكم وواصلوا الابداع
متابعين للاستفاده :)
علي خيران العتيبي04-Jul-2009, 01:18 AM
هههههههههههههههههههههههه
يا دكتور مانته ملفي ولاانت مستور = و من حان موته ما يتاجل يصيبي
ترا واجبي ماهو بمقدور مخبور = و بعد اللعب بتجيك ضيقه و لهيبي
علي خيران العتيبي04-Jul-2009, 01:19 AM
الشاعر علي خيران العتيبي
والشاعر طائر الاشجان
صح السنتكم وواصلوا الابداع
متابعين للاستفاده :)
الشاعر / ابجاد
صح بدنك و الابداع هو مرورك
و حنا الي نستفيد منك :)
طائر الاشجان04-Jul-2009, 01:40 AM
هههههه
الله يامناا منك يالداهيه
ليا قلتها ماقلت فالناس محقور = وكلن على قدره .. يوٌدي يجيبي
عليك الخطر يابو سنه واربع شهور = عنب مستوي مابعد عوٌد زبيبي
طائر الاشجان04-Jul-2009, 01:41 AM
ابجاد
هلا ومرحباا
صح بدنك شرفت ونورت يالقرم
علي خيران العتيبي04-Jul-2009, 01:45 AM
ههههههههههههههههههههههههههههه
طاير الاشجان
صح الله لسانك
و بيض الله وجهك
و اذا انا داهيه انت شنوووووووووووووو
و اقسم بالله اني استفدت منك
و انا اطالب الاداره انها تعطيك وسام النخبه
لانك انت تستاهل والله
طائر الاشجان04-Jul-2009, 01:53 AM
ههههههههههه
ماقصرت يالذيب
عزالله انك صادق يوم تقول لكنك معي اظن والله تشيبي
الظاهر مغير اصبغ بكره بالاسود هههه
الوسام للاهله ولا انا على قد حالي اتعلم مع الناس الي مثل شوراك
صح بدنك تشرفت بمجاارتك والاستفاده منك ياطويل العمر
وتصبح على خير ياوجهه السعد
رعد الروقي04-Jul-2009, 01:54 AM
الله الله
علي العتيبي // طائر الاشجان
صحت السنتكم يا مبدعين
متابع متابع
طائر الاشجان04-Jul-2009, 01:55 AM
العمده
ياهلا وغلا
ماقعد شيء تتابعه ههههه
يكفينا شرف حضورك ياشاعرنا العملاق
صح بدنك شرفت ونورت
ابجاد04-Jul-2009, 01:59 AM
صح الله السنتكم على الطاروق الرايع ولا هنتوا يالشعار :)
علي خيران العتيبي04-Jul-2009, 02:00 AM
بيض الله وجهك يا طائر الاشجان و تصبح على خير
العمده
صح بدنك و جيت متاخر
هههههههههههههههههه
مرورك شرف يالذيب
علي خيران العتيبي04-Jul-2009, 02:01 AM
ابجاد
صح بدنك
و بيض الله وجهك على متابعتك شرفتنا
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
