مبروك يااعتيبه الهيلا خوال الرسول

مبروك يااعتيبه الهيلا خوال الرسـول ***قبيلتـن تـظـرب الامـثـال بفعالـهـا



انتم هلا البل وفزعتها الرجـال الزحـول ***ان جـاء نهارنبـه الجهـال عقالـهـا



كم طاح من دونها راسن بالارض امعزول ***تاكل اسباع الخـلاء وتعشـي اعيالهـا



افعال برقا وروق الشرح عنهـا يطـول ***من يحصي افعالها من ماضـي اجيالهـا



قبيلتن تكسب الطولـه تقـول اوتطـول ***قبيلتـن تكسـب العلـيـاء وتسعالـهـا



يوم العطف والبيارق واصتفاق الخيـول ***والسيف والرمح والشلفـا علـى فالهـا



يوم القبايل العيشتهـا تصـول وتجـول ***يوم المعيشه كليفـه بااصعـب احوالهـا



ايام من هولها العاقـل يصيبـه ذهـول ***يذهل وتذهلبه المرضـع عـن اطفالهـا



مايجحد افعالهم غيـر الضلـوم الجهـول ***لو يسأل المعجـم وينطـق نعـم قالهـا



قبيلتـن ماتعيـل والا تحـب العـيـول ***وان عال داسـة علـى علبـاه بنعالهـا



اهل الحسب والنسب من طيبين الااصول ***قبيلتـن معتـلـي بالـعـز منزالـهـا



المـدح يستاهلونـه طيبيـن الفـعـول ***قبيلتـن مــن معزتـهـا عنيناالـهـا



والناس مااذمهـم والـي يـذم مهبـول ***كل القبايـل لهـا هيبـه لهـا ابطالهـا




الشاعر /متعب بن محمد الطريسي الحربي
من اهالي روضة قريدان بالقصيم

الله لايهينك يالقثامي

وصح الله لسان الشاعر والله يبارك فيه

لاكن يبارك بالمزاين ولا وش المناسبه ؟؟

صح لسانه ولاعليه زود

لاهنت ياخلف على الانتقاء

محبك

.,

صح لسانه ولاعليه زود

لاهنت ياخلف على الانتقاء