سلام يا عتيبه
محمدالنفيلي الحربي07-Oct-2009, 10:45 PM
سلام يا عتيبه وانا ضيفاً جديد = سلام مني والسلام نقدمه
يا عتيبه الهيلا انا سيفي حديد = والى لقيت الذيب سيفي يقسمه
كايدالاجرب07-Oct-2009, 11:31 PM
يامرحبا بالضيف والعلم الوكيد=والضيف لاجانا نقوم ونكرمه
ياراعي السيف انتبه لبن الوليد=تراه لاقضب الرجل مايرحمه
محمدالنفيلي الحربي08-Oct-2009, 06:06 AM
عساك يا الاجرب تفيد وتستفيد = والضيف ماهو ضيف حتى تتطعمه
سيف الوليد اقص به اكبر شديد = والا وانت سيفك من زمان مسلمه
عبدالله بن طلال08-Oct-2009, 06:25 AM
طاروووق رائع وحماسي
صحت السنتكم
<<< متابع
كايدالاجرب08-Oct-2009, 06:50 AM
أنا مدير البنك واسحب من رصيد=ماني فقيرٍ سارحٍ عند غنمه
وين انت يومني بغيتك ياعبيد=غطت عليك العصر عجه مظلمه
كايدالاجرب08-Oct-2009, 06:51 AM
طاروووق رائع وحماسي
صحت السنتكم
<<< متابع
حياااااااااك الله ياطلال وصح بدنك
مرزوق حمدان العتيبي08-Oct-2009, 08:51 AM
..
.
يعطيكم العافيه ...
واصلوا ...
كايد انت قد المهمه يابطل ...
....
محمدالنفيلي الحربي08-Oct-2009, 09:53 AM
انا ترى ماخاف من كثر الهبيد = وراع الرصيد اليوم فاضي محزمه
انا انتظرتك مير ماجاني مديد = غطى عليك النوم في وسط أعسمه
كايدالاجرب08-Oct-2009, 12:27 PM
..
.
يعطيكم العافيه ...
واصلوا ...
كايد انت قد المهمه يابطل ...
....
ماعليك زود طال عمرك
تشرفنا بمرورك الكريم
كايدالاجرب08-Oct-2009, 12:35 PM
انا ترى ماخاف من كثر الهبيد = وراع الرصيد اليوم فاضي محزمه
انا انتظرتك مير ماجاني مديد = غطى عليك النوم في وسط أعسمه
ونعم ونعم ياللي مدري وش قبيلتك بس كلامك طيب
الله يزيدك طيب وتعود شهيد=لامات ميت قالو الله يرحمه
لاتنتظرني نادني ماني بعيد=خلك شجيعٍ مثلنا مانت ارخمه
محمدالنفيلي الحربي08-Oct-2009, 12:55 PM
لاشفت حربي لا تعاند ياعنيد= خلك كما الخفاش في وسط السلمه
حنا سوات الموت في وسط الوريد = لاشافنا الرجال مايفتح فمه
كايدالاجرب08-Oct-2009, 01:05 PM
لاشفت حربي لا تعاند ياعنيد= خلك كما الخفاش في وسط السلمه
حنا سوات الموت في وسط الوريد = لاشافنا الرجال مايفتح فهمه
وانعم فيك اصبر على حر وجليد=لاكن ابا ادخلك وسط المفحمه
وحنا على العدوان نارٍ من وقيد=كم واحدٍ لاشافنا ضاع أنسمه
كايدالاجرب08-Oct-2009, 01:33 PM
الصلاه ياحربي المذن اذن نبي نصلي
عجل علينا
محمدالنفيلي الحربي08-Oct-2009, 01:48 PM
مافي زودن عنك والمعنى سديد = ادخلك في جحر ضب وتلزمه
والله مدري وش تجيب وش تصيد = الحبل ترخيبه ونوب (ن) تبرمه
كايدالاجرب08-Oct-2009, 02:06 PM
ههههههههههههههههه
خلاص ياحربي يكفي
تشرفنا بمجاراتك
وحياااك الله
محمدالنفيلي الحربي08-Oct-2009, 10:07 PM
هذا من تواضعك ياطويل العمر بيض الله وجهك والمعذره اذا حصل مني خطا
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
