إن كان عبد العزيز يسد فالنوب
ماجد الهذلي17-May-2005, 04:14 AM
صبحك الله بالخير يا عبد العزيز
إن كان عبد العزيز يسد فالنوب = النوب نوبه معي لازم يسده
مدري من اللي عطاه البشت والثوب= وأصبح كما قيل ما واحد يرده
عبدالعزيز بن جودان الرويس17-May-2005, 07:21 AM
صباح الورد ياماجد
واستلم
عبدالعزيز العتيبي عنده اسلوب= يعرف يوقف عدوه عند حده
اشره على اللي لبسله ثوب مقلوب= والا العتيبي تورث طيب جده
((الدلبحي))17-May-2005, 12:01 PM
تسلمون يالربع ومحاوره لها طابع خاص
تحيااااااااااااااااتي
ماجد الهذلي17-May-2005, 01:47 PM
أنته تحب النكد وتروح مغلوب = والعلم واضح وهاته ثم وده
لا تلبسه كان ما في وسطه جيوب = جالك هديه بعد مّده ومده
عبدالعزيز بن جودان الرويس17-May-2005, 01:59 PM
لله الله
انا تراني مع اهل العرف محسوب= يومن بعض العرب راسه يكده
خلك مع اهل والوفا دايم على صوب= مالك ومال الحكي مزحه وجده
علي فلاح العضياني17-May-2005, 02:07 PM
صح لسانك يا عبدالعزيز وانت ماجد
طاروق طيب وشعراء كبار
متااااااااابع
الــــــــفـــــــــالــــــــــح
ماجد الهذلي17-May-2005, 02:20 PM
الله الله أسمع أسمع
من قوم وألا انت جاي القوم مجلوب = لا كنّ قرب فراشك والمخده
أحسب حسابك وخل الراس معصوب = والضلع منته بقادر له تهده
عبدالعزيز بن جودان الرويس17-May-2005, 02:49 PM
ان كنت تبغا الردا طالبك مطلوب=حبل الردا سلم ربعي مانشده
ارفق بنفسك ترا مانته بمغصوب= وخل العتيبي ترا مانته بقده
** البرقاوي**17-May-2005, 02:57 PM
محاورةةةة راااااااااااااااااائعة
الجم المعتلي ** البرقاوي ** الموقوف
ماجد الهذلي17-May-2005, 03:04 PM
الطيب يا صاحبي فالوقت محبوب = وإن كان تبغا العدد حنا نعده
أطيب من الذوب للي يعرف الذوب = عطني يمينك وماجد مد يده
عبدالعزيز بن جودان الرويس17-May-2005, 03:25 PM
ياهذيل يومنها كاسب ومكسوب= حنا كسبنا الديار المجرهده
اسم العتيبي بوسط الكتب مكتوب=والا الهذيلي على التكسي يكده
مرزوق حمدان العتيبي17-May-2005, 04:33 PM
اسم العتيبي بوسط الكتب مكتوب //// والا الهذيلي على التكسي يكـده
ابداع يابو سعود...
صحت السنتكم جميعا...
واصلـــــوا ...
المسرّي17-May-2005, 05:34 PM
رائعين ما شاء الله عليكم
واصلوا يا مبدعييييييييين
ماجد الهذلي17-May-2005, 07:30 PM
غداك فوق القدر والقدر مركوب = فديارنا منت قادر تسترده
شغل العتيبي بددسن بايع حب ..= وفي قبلة المسلمين تجيك رده
أبو مرحبا17-May-2005, 09:39 PM
@ ماجد @
يادافع البلاء
::::::::::::::::
لاهنتوووو على المحاورة الرائعه
بعيـد المرامع17-May-2005, 11:38 PM
الله اكبر علاك يالهذلي :eek:
علاك به ياعبدالعزيز..وبعيد المرامع مساك الصف...:D
واصلو ياشعار ...لاهنتوا
بعيد المرامع
عبدالعزيز بن جودان الرويس18-May-2005, 02:49 AM
القدر قدر الهذيلي وانت منكوب= جبتلك علمٍ على راسك مرده
انته تبيع الفحم وتبيع معصوب= ولك شغلةٍ ثانيه في وسط جده
الشاعر ماجد لاهنت على هالطاروق
صح لسانك وسلمت
ماجد الهذلي18-May-2005, 03:01 AM
هلا والله بــ عبد العزيز
والله يا عبد العزيز كنت ابا اقللك نبا ننهي القاف خاصه
بعد ما انتبهت لقافك انت والفالح وإن الحروف واطيه على بعض
وصار معد لي نفس في القاف على شان كذا
المهم سامحنا على القصور
والدعوى مزوح على قال الفالح
مرزوق حمدان العتيبي18-May-2005, 11:08 AM
القدر قدر الهذيلي وانت منكوب= جبتلك علمٍ على راسك مرده
انته تبيع الفحم وتبيع معصوب= ولك شغلةٍ ثانيه في وسط جده
الشاعر ماجد لاهنت على هالطاروق
صح لسانك وسلمت
:) لاهنتم
والله يوليكم العافيه شعار ومبدعين في كل الميادين..
تحياتي
قرنــاس الصبيحي18-May-2005, 12:14 PM
صح لسانك ياماجد وصح لسانك ياعبدالعزيز ابداع في قمة الابداع
وحنا في صف عبدالعزيز ................................
عبدالعزيز بن جودان الرويس18-Jul-2007, 02:59 PM
شكرا يامرزوق
وشكرا ياقرناس
تحياتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
