متعب تعال
سعد الرويس العتيبي19-Feb-2012, 11:41 AM
يامن يبشرني براسك يابشار= وعطيه ماملك من قصور العليا
صحيح ماملك كود حبي للاخيار=لكن تجبرني كذيا الحميا
متعب المقاطي العتيبي19-Feb-2012, 11:49 AM
سعد الرويس العتيبي19-Feb-2012, 11:51 AM
هلابك ثواني
طيب طيب على راحتك
متعب المقاطي العتيبي19-Feb-2012, 11:57 AM
ليتك تريح ياسعد داخل الدار=وتريح الشلفاء وسرج العبيا
تراء السياسه فعلها يشبه النار=كم واحداً ضاعت علومه كذيا
سعد الرويس العتيبي19-Feb-2012, 12:04 PM
دفق الدما في سوريا كله اضرار=وان قلت اله هود عن الشر عيا
تكفون ثم تكفون من ياخذ الثار=ميت ضمير وباقي الجسم حيا
متعب المقاطي العتيبي19-Feb-2012, 12:15 PM
مافيه غايه مالها عزم واصرار=ولافيه مطلب بسهوله تهيا
البرق يبرق والسماء كلها امطار=واهل الثواري يدركون القضّيا
سعد الرويس العتيبي19-Feb-2012, 12:27 PM
وش صار في درعا يامتعب ياويش صار=الوضع يابن العم ذلحين سيا
اخواننا في الدين دم العرب حار=وحافظ نعجه قام يسوي سويا
متعب المقاطي العتيبي19-Feb-2012, 12:40 PM
اصبر تجيك علوم وعلوم واخبار=ماعاد فيها يالعتيبي كنيا
لاكن انا بنشدك يالشاعر البار=وش دوركم في حل هاذ القضيا
سعد الرويس العتيبي19-Feb-2012, 12:46 PM
الشعب يغلي والبلا شر الاشرار=وفرض الجهاد اليوم مامن اكفيا
احث ونخا من نهج نهج الانصار=من هاجس فيه الحميا هنيا
سعد الرويس العتيبي19-Feb-2012, 12:50 PM
صح لسااااااااااااااااانك يامتعب وستاذنك عندي شغل
متعب المقاطي العتيبي19-Feb-2012, 12:51 PM
صح بدنك وشاكر دعوتك الكريمة
سنجار المري19-Feb-2012, 01:19 PM
صحت الاسنه وبيض الله وجيهكم على هذا الموضوع
ونشاء الله الفرج كريم
سعد الرويس العتيبي19-Feb-2012, 10:56 PM
صحت الاسنه وبيض الله وجيهكم على هذا الموضوع
ونشاء الله الفرج كريم
صح بدنكـ مشكوووووور والله يعطيف الف عافيه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
